Қамшыбек жеңілді: Қазақстан қатарынан екінші рет Азия ойындарында бокстан алтын ала алмады
Қамшыбек Құнқабаев Азия ойындарында өзбекстандық Баходир Жалоловқа есе жіберіп, күміс жүлдегер атанды. Бұл туралы Stan.kz ақпарат агенттігі хабарлайды.
Бұған дейін қазақстандық боксшы Карина Ибрагимова құрлық біріншілігіндегі өнерін күміс медальмен аяқтаған болатын. Осылайша Қазақстан екінші рет Азия ойындарында бокстан алтынсыз қалды.
Бұл Құнқабаевтың Жалоловтан қатарынан бесінші жеңілісі. Жеке кездесулерде 6:3 есебімен Өзбекстан боксшысының пайдасына шешілді. Қамшыбек соңғы рет 2017 жылғы әлем чемпионатында Жалоловты жеңген болатын.
Бұл Құнқабаевтың мансабындағы алғашқы Азия ойындары. Ал күміс жүлде Азия ойындарындағы алғашқы медаль. Қамшыбек әзірге 2024 жылғы Олимпиадаға лицензия жеңіп алған жалғыз қазақ боксшысы.
Талқылау