Соңғы жаңалықтар
Соңғы жаңалықтар

Қазақстанда қант бағасы неге 30%-ға қымбаттап кетті

Қазақстанда қант бағасы бірден 30 пайызға өскен. Мамандар бағаның көтерілуіне не себеп болғанын түсіндірді, деп хабарлайды Stan.kz ақпарат агенттігі “КТК” арнасына сілтеме жасап.

Елімізде күннен-күнге азық-түлік бағасы қымбаттап жатыр. Жұмыртқа, күнбағыс майы және нанның ізін ала, қанттың құны бірнеше есе артқан.

Энерджипром мамандарының есебінше, соңғы тоғыз айда оның бағасы 30 пайызға өскен.

Ең қымбат қантты қазір елордалықтар тұтынып отыр. Шекердің бір келісіне Нұр-Сұлтан жұрты орташа есеппен 320 теңге төлейді. Ал Атырауда баға бес теңгеге арзанырақ. Қымбатшылық жайлаған қалалардың үштігін Павлодар қаласы түйіндейді. Қанттың отаны саналатын Таразда баға едәуір төмен. Бірден 11 теңге айырмашылығымен Қарағанды, содан соң, Талдықорған тұр. Өткен жылмен салыстырғанда, тек Қазақстанның өзінде қант өндірісі бірден екі жарым есе өскен. Отандық өнім ішкі сұраныстың 45 пайызын қамтамасыз етіпті. Дегенмен бағаның шарықтауына тосқауыл болу мүмкін болмай келеді.

Тараз қант зауыты бақылаушылар кеңесінің төрағасы Нұржан Қайырбековтың айтуынша қанттың бағасының өсуіне шикізатты сырттан алып келу себеп болып отыр. 

“Біз қант шикізатын сырттан әкелеміз. Мәселен, Тараздағы қант зауыты шикізатты Бразилиядан алады. Сондай-ақ қант бағасының өсуіне әсер еткен бірнеше фактор бар.Биыл Қазақстанның біраз өңірінде, соның ішінде қант қызылшасы өсірілетін Жамбыл, Алматы облыстарында құрғақшылық болды.  Соның кесірінен біздің отандық өнімнен алынатын қанттың өнімділігі азайды. Әлемдік нарықта қант бағасының қымбаттауы да Қазақстанға әсерін тигізбей қоймады”, – дейді Тараз қант зауыты бақылаушылар кеңесінің төрағасы Нұржан Қайырбеков.

Талқылау
Пікір
Қазір оқып жатыр
Çàãðóçêà...
Қазір оқып жатыр