Италияда мұғалімдерді қорлаған мектеп оқушыларына айыппұл салынады

Италияда егер мектеп оқушылары мұғалімдерді қорласа, айыппұл салынады. Бұл туралы Stan.kz ақпарат агенттігі The Guardian порталына сілтеме жасап хабарлайды.

Фото: pixabay.com

Оқушылар мектеп қызметкерлеріне қатысты агрессия немесе зорлық-зомбылық фактілерін жасаса 500 еуродан 10 мың еуроға дейін айыппұл арқалайды.

Жыл басынан бері мектеп мұғалімдеріне қатысты зорлық-зомбылық оқиғалары 110%-ға көтерілгендіктен италиялық мектеп директорлары қауымдастығы бұл заңды қолдаған. Деректерге сүйенсек, бұған дейін көптеген жағдайда мұғалімдерге медициналық көмек қажет болған.

• "Өлтіре бер, өзім жауап беремін": Мектептегі әлімжеттік салдарынан қаза болған ақтөбелік оқушының ата-анасы істің әділ тергелуін талап етті

• Қазақстанда ана мен бала қауіпсіздігі қалай қорғалып жатыр​​​​​​​

"Мінез-құлықты бағалау реформасы жеке жауапкершіліктің маңыздылығын қалпына келтіреді. Адамдарға және қоғамдық игіліктерге құрмет көрсетеді және мұғалімдердің беделін қайтарады", - деді Білім министрі Джузеппе Вальдитара.