Қазақстанда мектептерде жаңа міндетті пән енгізу ұсынылды
Фото: inform.kz
Орталық коммуникациялар қызметінде өткен брифингте ІІМ Әкімшілік полиция комитетінің төрағасы Қайсар Сұлтанбаев мектептерде балаларға жол қозғалысы ережесін үйрететін міндетті пән енгізуді ұсынды. Бұл туралы Stan.kz ақпарат агенттігі хабарлайды.
Спикердің айтуынша, полицейлер жол-көлік оқиғасынан қайтыс болған балалар туралы деректерді басқа елдердің деректерімен салыстырған.
Бұдан бөлек кәмелетке толмағандарға жол қауіпсіздігі дағдыларын үйретуге бағытталған пәндерді оқыту тәжірибесі ескерілген. Қорытындысы көңіл көншітпеген: Қазақстанда балаларға жол жүру ережелері аз оқытылатын болып шыққан.
"Ішкі істер министрлігі балалардың өміріне қатысты болғандықтан жол қозғалысы ережесі сабақтарын мектеп бағдарламаларына жеке міндетті пән ретінде енгізуді ұсынып отыр. Мұндай сабақтар арқылы жолдарда заңға бағыну тәртібі нормаларын сіңіруге болады, бұл олардың өсіп, өздері жүргізушісі болған кезде жол қауіпсіздігіне оң ықпал етеді", – дейді Қайсар Сұлтанбаев.
Талқылау
Қазақстандық белсенді уақыт белдеуін қайтару үшін партия құрмақ: Ол зерттеу жүргізіп, қазіргі уақыттың халыққа зиян тигізіп жатқанын анықтады
Шығыс Қазақстан облысының өзінде тонау қылмысы 2,5 есе артқан
"Эфирден қиып тастайды, концертке қатыстырмайды": Қазақстандық шоу-бизнес өкілдері хиджаб кигені үшін түрлі кемсітуге тап болған
Ерлан Төлеутай: "Орану – сахна әдебіне қайшы"