Соңғы жаңалықтар
Соңғы жаңалықтар

IQ сынағы - 162 балл: 12 жасар жеткіншек Эйнштейннен асып түсті

Ағылшын оқушысы Барнаби Суинберн ата-анасынан Рождествоға екі сыйлық сұрады. Ол – Менсаның IQ сынағы және криптовалюта. 12 жастағы жеткіншек тесттен ең жоғары 162 балл алды. 

Оның нәтижесі әлем халқының 99 пайызынан жоғары болды. Интеллект бойынша ол тіпті Альберт Эйнштейннен де асып түсті: салыстырмалылық теориясы авторының IQ деңгейі 160 балл болған, ал әлемдік орташа көрсеткіш 100 балл болды деп есептеледі. Бала IQ деңгейі жоғары адамдарға арналған ең үлкен ұйым – Менса қоғамына қабылданды.

Анасының айтуынша, оның ұлы криптовалюта нарығына қызығады, бірақ оның жасы өзінің жеке жетондары болуы үшін тым кішкентай. Рождество күні ол криптовалютаға айырбастауды жоспарлап отырған ақша салынған конвертті алды. Конвертте нақты қанша ақша болғанын және жас данышпанның қандай криптовалютаға салғысы келетінін әйел нақтылаған жоқ.

Оқушы математика мен химияны жақсы көреді. Болашақта ол бағдарламашы болуды армандайды, бірақ бұл арада университет курстарын оқып, Оксфордқа барғысы келеді.

Бұған дейін Англияның Лондон қаласының тұрғыны, екі жасар Исайя Гямфи ағылшын, испан және француз тілдерінде оқитыны, жазатыны және санай алатыны белгілі болған. Гямфидің анасы 30 жастағы Джазель Андерсонның айтуынша, оның ұлы жақында жапон тілінде 40-қа дейін санауды небәрі 24 сағатта үйренген. Қазір ол төрт тілді әртүрлі деңгейде меңгерген. Оның айтуынша, ол ақпаратты сегіз айлық кезінде түсінген – әріптерді оңай жаттап, дауыстай алған.


Сиам егіздері алғаш рет мемлекеттік қызметке тұрып, екі жалақы ала бастады

Талқылау
Пікір
Қазір оқып жатыр
Çàãðóçêà...
Қазір оқып жатыр