Әзербайжанда интернетте президентті балағаттап жазғандар айыппұл төлейтін болды
Әзербайжан Интернетте отырып алып мемлекет басшысының ар-намысына нұқсан келтіріп, абыройын түсіретін сөздер жазған азаматтар қылмыстық жауапкершілікке тартылатын болды.
Бұл туралы Vesti.az хабарлайды.
Елдің бас прокуроры Закир Гаралов парламентке осындай ұсыныс тастаған. Осыған дейін БАҚ беттерінде президентке балағат сөз айтқандар үшін арнайы жаза тәртібі енгізілген еді.
Енді аталмыш жаза “ақпараттық интернет-ресурстар” аймағын да қамтып өтетін болды. Заң бұзушылар 500-1000 (99-193 мың теңге) манат көлемінде айыппұл төлеп қана құтыла алады. Ал егер айыппұл төлей алмаса, онда екі жылға бас бостандығынан айырылуға мәжбүр болмақ.
Жалған аккаунт ашып алып, ел басшысын балағаттайтындардың жазасы бұдан да ауыр болмақ.
Оқи отырыңыз:
Ислам Кәрімов: Анам тірі, бірақ Өзбекстанда халыққа оның тек егізін көрсетіп келеді
БАҚ: Фидель Кастроның 35 мың әйелі болған
Әйелі тастап кеткен қырғыз жігіт сөмке тігіп, бүкіл әлемге саудалауда
Сүйіктісінен таяқ жеп көз жұмған әйел өмірінің соңғы сәттерін диктофонға жазып үлгерген