Сенбіде Индонезия чемпионатының матчінде "Арема" және "Парсебайя" командалары кездескен болатын. Ойын екінші команданың пайдасына 3:2 есебімен аяқталған болатын.
Финалдық ысқырықтан кейін "Ареманың" жанкүйерлері ашуланып, футбол алаңына қарай жүгірген. Арты тәртіпсіздіктерге ұласты. Тәртіп сақшылары жас ағызатын газды қолдануға мәжбүр болды.
BREAKING: At least 127 people killed, 180 injured in riot at football stadium in Indonesia, police say pic.twitter.com/WmuI67yJoi
— BNO News (@BNONews) October 1, 2022
Адамдар, оның ішінде трибунада отырғандары да қорқып, стадионнан кетпек болған. Салдарынан адамдар сығылысып қалған. Қайғылы оқиға салдарынан 127 адам қаза болған, оның ішінде әйелдер мен балалар да бар. 180-ге жуық адам ауруханаға жеткізілді.
Лига басшылығы алдағы аптадағы бірнеше матч кейінге қалдырылғанын мәлімдеді. Сондай-ақ қайғылы оқиғаға байланысты тергеу жүргізіледі.