Google компаниясының негізін салушы Паркинсон ауруына қарсы дәрі іздеуге миллиард доллар қайырымдылық жасады
Фото: wikipedia
Google компаниясының негізін салушылардың бірі, Alphabet компаниясының капитализациясы өсіп жатқан уақытта оның негізін салушылардың бірі Сергей Брин бірнеше коммерциялық емес ұйымдарға қаражат бөлді. Оның ішінде миллиард долларды Паркинсон ауруына қарсы дәрі іздеуге жұмсады. Бұл туралы Stan.kz ақпарат агенттігі The Bell порталына сілтеме жасап хабарлайды.
Бір апта ішінде Брин Alphabet компаниясының 3,5 миллион акциясын жалпы құны шамамен 1,1 миллиард доллар көлемінде берді.
Бриннің өкілдерінің мәліметі бойынша:
- 1 миллиард доллар – 2021 жылы Брин құрған Catalyst4 ұйымына, ол орталық жүйке жүйесі ауруларын зерттеу және климат өзгерісі жобаларын қолдайды;
- 90 миллион доллар – Бриннің отбасылық қорына;
- 45 миллион доллар – Майкл Фокс қоры арқылы Паркинсон ауруын зерттеуге жұмсалған.
Брин бұған дейін де осы ұйымдарға қаражат берген: мамыр айында олар 700 миллион долларлық Alphabet акциясын алған. Catalyst4 сондай-ақ биотехнологиялық MapLight компаниясының ірі акционері. Ол шизофрения және Альцгеймер ауруына байланысты психоздарды емдеуге арналған дәрілерді дамытумен айналысады.
Bloomberg бағалауынша, Сергей Бриннің байлығы 256 миллиард доллар шамасында. 2025 жылы Alphabet компаниясының капитализациясының өсуі оған 97,3 миллиард доллар табыс әкелді. Брин компания акцияларының шамамен 6%-ын иеленеді.
"30 минутқа созылады, тез келемін деген еді": Астанада көзіне лазерлі ота жасатуға барған жалғызбасты ана қаза тапты
Қызы: "Дені сау адам өз аяғымен таза талдауларымен клиникаға кірген еді"
Ата-анамызды асырауға міндеттіміз бе? Бұл сұрақ қазақстандықтардың пікірін екіге бөлді
Желі қолданушысы: “Міндетті емес, бала “мені өмірге әкел” деп ешкімнен өтінген жоқ”