Ұшақ экипажының төрт мүшесінің барлығы аман қалған. Оқиға салдарынан әуежайдың солтүстік ұшу-қону жолағы уақытша жабылды.
Гонконгта жүк таситын ұшақ теңізге құлады: Қаза тапқандар бар
Фото: bhaskarenglish.in
Дүйсенбі күні шамамен таңғы сағат 03:50-де жүк таситын ұшақ Гонконг әуежайының солтүстік ұшу-қону жолағынан шығып кетіп, патруль көлігіне соғылып, кейін теңізге құлаған. Салдарынан екі адам қаза тапты. Бұл туралы Stan.kz ақпарат агенттігі SCMP агенттігіне сілтеме жасап хабарлайды.
Жергілікті билік өкілдері ауа райы мен ұшу-қону жолағының “қауіпсіз” болғанын мәлімдеді.
“Шамамен таңғы сағат 3:50-де Дубайдан келген Emirates әуе компаниясының Boeing 747 ұшағы EK9788 рейсі қону кезінде ұшу-қону жолағынан шығып кетіп, патруль көлігіне соғылған. Алдын ала мәлімет бойынша, ұшақ теңізде жердегі көлікпен де соқтығысқан”, – деп мәлімдеді полиция.
Бастапқыда көлікте болған екі ер адамның жоғалғаны хабарланды. Олардың бірі – мәйіті теңізден шығарылған 30 жастағы ер адам, ол таңғы 5:55-те оқиға орнында көз жұмған. Екіншісі, 41 жастағы ер адам, Солтүстік Лантау ауруханасына жеткізіліп, таңғы 6:26-да оның қайтыс болғаны анықталған.
Талқылау
"70 күннен аса жүрдік": Қытайдан Астанаға атпен жолға шыққан жас жұбайлар көпшіліктің ықыласына бөленді
Бүгінде күллі қазақ жұрты оларды желіде бақылап, біразы алдынан күтіп, қонақ етіп жатыр
"Қысқа мерзімді жеңілдіктер ұзақ мерзімді дағдарысқа ұласуы мүмкін": Сарапшылар Қазақстанда шұғыл енгізілетін шараларға қатысты пікір білдірді
Оның айтуынша, жаңа салық кодексінде әзірге айтарлықтай өзгеріс жоқ