Головкин шаршы алаңға шығуға дайындалуда (фото)
Қазақстандық боксшы Геннадий Головкин шаршы алаңға шығуға дайындалу үстінде.
Бұл туралы ВКонтакте желісіндегі GGG ресми парақшасы хабарлап отыр. Спортшы аяқ киімі мен бокс қолғабын киіп, жекпе-жекке дайындалуда.
Боксшы шаршы алаңға дизайнер Бағдат Айнақұлов тіккен дәстүрлі шапапын киіп шығады.
Бірер сағат бұрын Лондондағы 02 аренаға келіп жеткен Головкин жекпе-жек алдында телеарна тілшілеріне сұхбат беруде.
Спортшының бүгінгі кездесуге киіп шығатын боксеркасы. Головкин-Брук жекпе-жегі дәл қазіргі таңда әлеуметтік желідегі ең танымал тақырыпқа айналған.
Қазақстандық боксшы Келл Брукқа қарсы осы былғары қолғаптармен өнер көрсетеді.
Еліміздің туы түстес және ұлттық нақышта безендірілген спорттық киімдері.
Головкин боксеркасын кию үстінде.
Геннадий Головкиннің осы күнге дейін еншілеген спорттық белбеулері: WBA (Super), IBO, IBF және WBC.
Бокс кешін “Қазақстан”және KazSport телеарналары тікелей эфирде көрсетіп жатыр.