Головкин Назарбаев пен қазақстандықтарға алғыс айтты
Әлемді мойындатқан Геннадий Головкин қолдау көрсеткен елбасы Назарбаев пен отандастарына алғысын жеткізді, деп жазады Stan.kz.
“Барлық жерлестеріме көрсеткен қолдаулары үшін алғыс айтамын. Жекпе-жекке келгендерге де, таңертеңнен теледидар алдында жанкүйерлік еткендерге де рахмет.
Кездесу алдында арнайы шеру ұйымдастырғандарға жалынды сәлем! Сіздер көк Туымызды желбіретіп, Лас-Вегас көшелерінің сәнін келтірдіңіздер, рахмет!
Сондай-ақ, маған үнемі қолдау көрсетіп, жекпе-жектен кейін құттықтаған Президентімізге алғыс айтамын. Бұған дейін де айттым, еліміздің көк туын көкте желбірету – мен үшін мәртебе. Чемпиондық белбеулер өзімде қалды және әлі де барлық титулдарды біріктіретін ниетім бар. Алға Қазақстан”, – деп жазды Гена желідегі парақшасында.
Айта кетейік, Головкин — Альварес арасында Лас-Вегаста өткен жекпе-жек 12 раундтан тұрды. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.
Жіберіп алмаңыз:
“Реал” өз ойыншысын 1 миллиард евроға бағалады
Головкинге алдағы жекпе-жекке бес қарсылас ұсынылды (фото)
Головкин-Альварес жекпе-жегіне төрелік еткен судья қызметтен шеттетілді
Нұрбақыт Теңізбаев Пекин-2008 Олимпиадасының күміс жүлдегері атанды (фото)