Головкин мен "Канело" үшінші рет жекпе-жек өткізбекші
WBA нұсқасы бойынша орта салмақтағы қазіргі әлем чемпионы мексикалық Сауль Альварес пен сол салмақтағы IBF және IBO белбеулерінің иегері қазақстандық Геннадий Головкин үшінші рет жекпе-жек өткізуге келісті, деп хабарлайды Stan.kz ақпарат агенттігі Sports.kz порталына сілтеме жасап.
Бұл ақпаратты журналист Майк Коппинджер Twitter-дегі парақшасында хабарлады. Журналистің сөзінше, екі жақ жекпе-жекке бірнеше ай бұрын келіскен.
Журналист дереккөздерге сілтеме жасай отырып, осы айқастан "Канело" - $45 млн, ал Головкин - $30 млн табыс табатынын айтты. Екінші бокс кеші ұйымдастырушыларға $27 млн кіріс әкелгендіктен, үшінші жекпе-жек көрерменсіз өтпейді. Айқастың шамамен өтетін уақыты – 2021 жылдың мамыры.
Талқылау
Пікір
Çàãðóçêà...