Грецияда Олимпиада алауы жағылды: Жапонияда өтетін жазғы ойындарға деген дайындыққа коронавирус кедергі емес
Грецияда 2020 жылы Токиода өтетін жазғы Олимпиада ойындарының алауы жағылды, деп хабарлайды Stan.kz ақпарат агенттігі.
Рәсім ежелгі гректердің өміріне сәйкестеліп өткізілген. Дәстүр бойынша Олимпиада оты аспандағы Күннен жағылады екен. Тарихта алғаш рет салтанатты рәсім көрермендердің қатысуынсыз өткен, шараға тек ресми тұлғалар ғана шақырылыпты.
19 наурызға дейін Олимпиада алауы Греция аумағын қамтып өтеді. Содан кейін Греция астанасы Афиныда жалын Токиядағы сайыс ұйымдастырушыларға тапсырылады.
26 наурызда Жапонияға жеткен алау бүкіл ел аумағын аралайды деп күтілуде. Бұл жағдай 24 шілде күні Олимпиада ойындарының басталуына дейін созылмақшы.
Қазіргі таңда Жапония билігі Токияда өтеді деп жоспарланған спорт жарысына коронавирсқа қарамастан белсенді түрде дайындалуда екен. Елдің премьер-министрі Синдзо Абэ АҚШ президенті Дональ Трамппен әңгімесінде дайындық алғашқыда жоспарланған күйі жалғасуда екендігін айтыпты.