Қытай ғылым академиясындағы тропикалық ботаникалық бақтың қызметкерлері Уханьдағы теңіз өнімдерінің базарына коронавирус сырттан келді деген қорытындыға келді.

Ғалымдар вирустың 93 сынамасының геномдық деректерін талдады. Олар инфекцияның кем дегенде үш жолмен таралатынын анықтады. Белгісіз науқас Қытайда біреуге жұқтырған болса керек деп топшылады. Сөйтіп Хуанань базары антисанитариялық жағдайға байланысты аурудың ошағына айналды.

Сарапшылар 93 сынамадан алынған 58 гаплотипті тексеріп, олардың бес топқа бөлінетініне көз жеткізді. Оларда ескі (H1, H3 және H13) және жаңа (H56 және mv2) түрлері бөлінді. Барлық науқастардан базармен байланысты болған гаплотип H1 және оны тудырушы (H2 и H8-H12) тапты. Ал Хуананьға ешқандай байланысы жоқ ауруды жұқтырған Ухань тұрғындарынан Н3 гаплотипін тапты.

Басқа елдер мен Қытай ауылдарынан келген науқастардан анықталған галотиптер бойынша вирустың бастапқы көзі базар болмағанын растайды. Ғалымдардың пікірінше, аурудың адамнан адамға ауысуы 2019 жылдың қараша айының соңында басталуы мүмкін, бірақ эпидемия инфекция теңіз өнімдері нарығына жеткен соң басталған.

Талқылау