Ғалымдар коронавирус жұқтыру қаупін резус-фактормен байланыстырды
Испания мен Бразилия ғалымдары теріс резус-факторы бар адамдар коронавирустың жаңа түрін жиі жұқтырады және ауруды ауыр көтереді деген қорытындыға келді. Мұндай зерттеу medRxiv порталында жарияланды, деп хабарлайды Stan.kz ақпарат агенттігі.
126 елде коронавирустың тез таралуын тудыратын факторларды зерттей отырып, ғалымдар экспонент бойынша инфекциялар санының өсуі теріс резус-факторы бар адамдардың көпшілігі тұратын мемлекеттерге тән екенін анықтады. Оларға Австралия, Австрия, Бразилия, Жаңа Зеландия, Испания, Ұлыбритания, Швейцария және АҚШ кіреді. Бұл елдерде COVID-19 таралуының "жарылғыш" сипаты байқалды.
Сонымен қатар, зерттеу көрсеткендей, теріс резус-факторы бар барлық қан тобындағы адамдар коронавирусты тезірек жұқтырумен сипатталады. Сондай-ақ, оларда жүрек-тамыр, тыныс алу және басқа аурулардың даму қаупі жоғары, бұл аурудың ағымын қиындатуы мүмкін.
Бұған дейін коронавирустан сақтайтын бес өнім туралы хабарланған еді.
Талқылау