Ғалымдар: "ChatGPT күнсанап нашарлап барады"
Танымал чат-бот ChatGPT күнсанап нашарлап барады. Бұл туралы Stan.kz ақпарат агенттігі 4PDA сайтына сілтеме жасап хабарлайды.
Қолданушылардың бұл мәлімдемесі Стэнфорд университетінің ғалымдарын алаңдатты. Сол себепті олар чат-ботты тексеру жұмыстарына кірісті. Белгілі болғандай, үш айдың ішінде тілдік модель шынымен де әлдеқайда "нашар" бола бастаған.
Зерттеу нәтижелеріне сәйкес, 2023 жылдың наурызы мен маусымы аралығында GPT-4 адамдардың сұрауына нақты жауап бере алмаған.
Кодты жазу кезінде анықталғандай бот наурыздан бастап сұрақтардың тек 10 пайызына ғана дұрыс жауап берген.
"Бір қызығы, керісінше GPT-3.5 үлгісінің жауап беру дәлдігі өскен. Наурыз айына қарағанда маусымда чат-бот сұрақтарға дұрыс жауап бере бастаған", - дейді ғалымдар.
Зерттеушілердің пікірінше, GPT-3.5 және GPT-4 чат-боттарымен жұмыс істейтін пайдаланушылар нәтиженің дұрыстығын үнемі тексеріп отыруы керек.