"Бұл оқиға біздің инвестициялық банкинг департаменті үшін маңызды кезең болып табылады, ол сонымен қатар 42,85% үлесімен және 473 млрд теңгеден астам көлемімен нарықтық орналастырулар бойынша Cbonds-тың 2021 жылғы рейтингінде қазақстандық облигациялардың жетекші ұйымдастырушысы болып танылды. Біз бұл жетістіктер біздің адал беделімізді, мемлекеттік және жеке клиенттермен тамаша жұмысымызды, сондай-ақ Қазақстан экономикасының өсуіне ықпал ететін қаржылық қолдау көрсетуді жалғастыру міндеттемесін көрсетеді деп есептейміз", – дейді "Фридом Финанс" АҚ инвестициялық банкинг департаментінің директоры Ренат Сыздықов.

Сонымен қатар "Фридом Финанс" АҚ жеке (шоғырландырылмаған) қаржылық есептілігінен негізгі қаржылық көрсеткіштерді жариялады:

– Қорытынды активтер 2021 жылғы 31 желтоқсанда 32 млрд теңгеге немесе 21%-ға азайды.

– Міндеттемелер тікелей РЕПО бойынша операциялардың 57,6 млрд теңгеге азаюына байланысты 57,1 млрд теңгеге немесе 64%-ға, немесе 2021 жылдың 30 қыркүйегімен салыстырғанда 65%-ға азайды.

– Меншікті капитал 23 млрд теңгеге немесе 60%-ға ұлғайды.

Негізгі сандық көрсеткіштер

Жарғылық капитал – 61,4 млрд теңге.
2021 жылдың төртінші тоқсанында ашылған шоттар саны – 2 746.
2022 жылдың 1 қаңтарында шоттардың жалпы саны – 78 000 астам.
2021 жылғы төртінші тоқсандағы мәмілелер саны – 287 мыңнан астам.

2022 жылдың 1 қаңтарындағы жағдай бойынша компания Қазақстан қор биржасында сатылатын бағалы қағаздардың 79 атауы бойынша, Astana International Exchange – 6 атауы бойынша ресми маркетмейкер болып табылады.

Freedom Finance Global PLC 2022-ші қазыналық жылдың үшінші тоқсанындағы қорытындысы

2021 жылғы қазан – желтоқсан кезеңінде компанияда 9 000-ға жуық шот ашылды, 297 мыңға жуық мәмілелер жасалды. 2022 жылғы 1 қаңтардағы жағдай бойынша шоттардың жалпы саны – 30 мыңнан астам, 904 мыңнан астам мәмілелер жүзеге асырылды.

2022-ші қазыналық жылдың үшінші тоқсанында Freedom Finance Global арқылы клиенттер 14 IPO-ға қатыса алды. Жалпы 2021 жылы компания клиенттері 97 IPO-ға қатысты.

Талқылау