“Филип Моррис Қазақстан” фабрикасы Алматы облысында орналасқан. Үлкен өндіріс орны PMI жаһандық стандарттарына сай етіп жасалыпты. Фабрика жаңа буын желілерімен, жоғары технология құрылғыларымен жабдықталған. Оған қоса барлық қауіпсіздік шарасы сақталған әрі қызметкерлеріне қолайлы жағдай жасалған. Бұрын мұнда кәдімгі темекі өнімдері жасалған болса, енді қоршаған ортаға әрі адам денсаулығына зияны айтарлықтай аз түтінсіз темекі өнімдері, яғни қыздырылатын стиктер жасалады. Бұл – Қазақстан тарихындағы бірінші тәжірибе. Енді бұл кәсіпорын өндірісінің 22%-ы осы түтінсіз темекі өніміне тиесілі болмақ. Филип Моррис Қазақстан және Орталық Азияның басқарушы директоры Энрике Хименестің айтуынша, бұл өзгеріс аналогтық экономикадан цифрлық экономикаға көшу сияқты ауқымды трансформация.

"Бұл өндірістік желіні іске қосу – біздің стратегиялық көзқарасымыз бен Филип Моррис Интернешнлдің (ФМИ) шылымсыз болашақты қалыптастыру миссиясының айқын көрінісі. Қазақстан – осы трансформацияның маңызды бөлігі және біз ең озық өндірістердің бірі дәл осы жерде іске қосылғанын мақтан тұтамыз", – деді Филип Моррис Қазақстан және Орталық Азияның басқарушы директоры Энрике Хименес.

Фото: “Филип Моррис Қазақстан”

Компания өкілінің сөзінше, фабрика түтінсіз өнімдер сегменті бойынша ішкі нарықты толықтай өтейді. Сонымен қатар өнімдерін Өзбекстан, Қырғызстан, Тәжікстан және Арменияға экспорттауды көздеді. Осылай, Қазақстан алғаш рет технологиясы жоғары, зияны аз темекі өнімдерін импорттаушыдан экспорттаушы елге айналып отыр. Энрике Хименес бұл қадам елдің бүкіл Орталық Азия өңірі үшін өнеркәсіптік және логистикалық хаб ретіндегі мәртебесін одан әрі нығайтуға ықпал ететінін айтады.

"Біз жай ғана өнім жасап жатқан жоқпыз – біз технологиялық тұрғыдан жетілдірілген балама ұсынамыз. ФМИ құрылғылары темекіні жандырмай қыздырады, бұл дәстүрлі темекімен салыстырғанда зиян заттардың деңгейін 95%-ға дейін төмендетуге мүмкіндік береді. Бұл – ғылыми тұрғыдан дәлелденген зиянды азайту жолы", – деп атап өтті Энрике Хименес.

Филип Моррис Қазақстан және Орталық Азияның басқарушы директоры Энрике Хименес. Фото: “Филип Моррис Қазақстан”

Фабрикадағы жұмыстың басым бөлігі автоматтандырылған. Дегенмен темекі өнімі өндірісінде бір миллиметр де қалт кетіп, қате жіберуге болмайды. Сол себепті өндіріс орнында сол құрылғыларды басқарып, істі жүргізіп отыратын білікті мамандар істейді. Ал компания түтінсіз темекі өнімдерін шығару жобасын іске қосқаннан кейін тағы қосымша жұмыс орындарын ашып, ел азаматтарын жұмыспен қамтамасыз етіп үлгеріпті. Мәселен, мұнда бүгінде инженерлік және техникалық бағыттарда 100-ге жуық жаңа жоғары технологиялық жұмыс орны құрылған. Болашақта тағы бұл көрсеткіш 200-ге дейін жеткізу жоспарланып отыр.

Сонымен қатар Филип Моррис Қазақстан дәстүрлі түрде жұмыс орындарын құрумен қатар, адами капиталды ұзақ мерзімді дамытуға басымдық береді. Компания қызметкерлерді оқыту мен біліктілігін арттыруға жүйелі түрде инвестиция салып келеді. Олар қызметкерлерінің біліктігін арттыру үшін ішкі тренингтер өткізеді, халықаралық тағылымдамаларға жібереді және ФМИ стандарттары бойынша оқытады. Бұл фабрика қызметкерлеріне әлемдік талаптарға сай болуға және жаһандық өндірістік экожүйенің бір бөлігіне айналуға мүмкіндік береді. Мұндай тәсіл ел ішінде білікті мамандардың тұрақты өсуіне және халықаралық тәжірибені ұлттық контексте тиімді қолдануға негіз бола алады.

“Мұнда мәселе тек жұмыс орындарының санында ғана емес, олардың сапасында. Бұл жоғары технологияға ие білікті позициялар елордада емес, өндірістік өңірде құрылып отыр. Бұл – нақты мансаптар, жаңа біліктіліктер және қазақстандықтар үшін ұзақ мерзімді перспективалар. Компания қызметкерлерді оқытуға ерекше назар аударды. Мамандар халықаралық өндірістік стандарттарға сай болу үшін арнайы дайындықтан өтті. Жобаға автоматтандыру мен мехатроникадан бастап, технологиялық бақылау мен сапа инженериясына дейінгі негізгі инженерлік және техникалық мамандар тартылды. Біз жай ғана жұмыс орындарын құрып қоймай, Қазақстанда жаңа, заманауи индустриялық мәдениетті қалыптастыруға үлес қосып жатқанымызға сенімдіміз”, – деді Филип Моррис Қазақстан және Орталық Азияның басқарушы директоры Энрике Хименес.

Жобаның алғашқы кезеңінде инфрақұрылым құрылысына, жабдықтарды орнатуға және қызметкерлерді оқытуға 65 миллион доллар инвестиция салынды. Жалпы инвестиция көлемі 150 миллион долларға дейін жетеді. Бұл – халықаралық инвестициялық қауымдастыққа Қазақстанның тұрақты әрі сенімді өндірістік алаң ретіндегі жоғары беделін көрсететін маңызды белгі.

Фото: “Филип Моррис Қазақстан”

Бұл тәсіл мемлекеттік саясаттың басымдықтарымен үндеседі. Қазақстан Президенті Қасым-Жомарт Тоқаев 2025 жылды “Жұмысшы мамандықтар жылы” деп жариялай отырып, Қазақстанды "инженерлер, конструкторлар, жобалаушылар және бағдарламашылар ұлтына" айналдыру қажет екенін атап өтті. “Филип Моррис Қазақстан” компаниясы бұл жобасы осы стратегиялық бағытқа сай келіп, білікті кадрларды дамыту мен тұрақты өнеркәсіптік мәдениетті қалыптастыруға өз үлесін қосып жатқанын баса айтты.

“Біз "Филип Моррис Қазақстан" компаниясының бұл жобасы басқа инвесторлар үшін үлгі әрі маңызды белгі болады деп үміттенеміз. Қазақстан – сенімге, тұрақтылыққа және мемлекеттік қолдауға сүйене отырып, бизнес жүргізуге болатын ел. Біз осы тарихи жолдың бір бөлігі болғанымызды мақтан тұтамыз”, – деді Филип Моррис Қазақстан және Орталық Азияның басқарушы директоры Энрике Хименес.

Айта кетері, Филип Моррис Қазақстан – 1993 жылдан бері Қазақстандағы алғашқы ірі шетелдік инвесторлардың бірі және елдегі ең ірі он салық төлеушінің қатарына кіреді. Компания технологиялық дамуға, индустрияландыруға және тұрақты болашаққа белсенді инвестиция салуды жалғастырып, мемлекеттің стратегиялық мақсаттарына жетудегі сенімді серіктесі болып қала береді.

Талқылау