"Ешкімнен ештеңе күтпеймін": Гүлзира Айдарбекова бақытты болудың құпиясын бөлісті

Гүлзира Айдарбекова бақытты өмір сүруге қатысты ойлы жазба жариялап, көпшілікті ойландырып қойды. Бұл туралы Stan.kz ақпарат агенттігі хабарлайды. 

Фото: https://www.instagram.com/gulziraaidarbekova/

Продюсер бақытты болудың сырын ашып, ешкіммен жарыспай өмір сүретінін айтты.

“Мен өзімді әрқашан бақытты сезінемін. Сен неге екенін білесің бе?! Өйткені мен ешкімнен ештеңе күтпеймін. Күту – әрқашан ауыр. Өмір қысқа… Бақытты бол және күлімде”, – деп жазды Гүлзира Үсенқызы.

Одан кейін продюсер барша жұртқа жолдасы екеуінің махаббаты жұғысты болуын тіледі. 

Сіздерге де біздің махаббат жұғысты болсын! Махаббаттарыңыз мәңгі болып, ұзақ жылдар, өмірдің ащы-тұщысын бірге татитын баянды махаббат тіледім! Жалғыздық құдайға ғана жарасқан. Барымызды бағалайық!”, – деді шоу-бизнес жұлдызы. 

• "Тосынсый жасадық": Гүлзира Айдарбекова күйеуінің туған күнін Кипрде тойлады

• "Камерасын қосып, фотоға түсіріп алады": Гүлзира Айдарбекова алаяқтарға тап болды

Өз кезегінде продюсердің жолдасы Нұртас Айдарбеков әйелін сәл көрмей қалса сағынатынын жазды. 

“Кешегі постымда бір кісілер жазыпты: “Апамызды сағынып отырсыз-ау” деп. Айтайын десем, балалардан ұялам, шынымды айтсам солай болып тұр. Найманның қызын алтыншы күн көрмей қалып едім, шынымен де бір түрлі сағынып отырғаным”, – деп күлдірді Қайрат Нұртастың әкесі. 

Айта кетейік, Гүлзира Айдарбекова келіндерінің блогер болуына ықпал еткенін мойындаған еді.