"Ешқандай хейт болған жоқ": Шымкент әкімі Берденовке жасалған атыс туралы алғаш рет пікір білдірді

Фото: СЦК/мәжіліс кадрларынан коллаж

Шымкент қаласының әкімі Ғабит Сыздықбеков өзінің бұрынғы орынбасары Руслан Берденовке жасалған шабуыл туралы алғаш рет пікір білдірді. Бұл туралы Stan.kz ақпарат агенттігі хабарлайды. 

Брифингте журналистер Сыздықбековке әлеуметтік желіде жұршылық Берденовке жасалған атыстан кейін пікір білдірмегені үшін қатал деп айыптағанын еске салды.

"Мұның қаталдықпен не қатысы бар? Мен әкім ретінде қылмыстық немесе әкімшілік процестерге, кез келген басқа процеске араласуға құқым жоқ. Бұл үшін арнайы органдар бар. Сот шешімін қабылдады. Мен ештеңе айта алмадым, өйткені адамдар өз жұмыстарын атқарды. Әрине, бұл ең алдымен процестің өзіне кедергі келтірер еді. Және мен оны хейтпен байланыстырмаймын. Ондай ешқандай хейт болған жоқ. Мүмкін, біреу бірдеңе айтқан шығар", – деді қала басшысы.

Оның айтуынша, Шымкентте 2 миллионнан астам адам тұрады және әрқайсысының түрлі оқиғаларға өз көзқарасы бар. 

• Берденов ісі бойынша сотта журналиске тілін шығарған судья жазаланбайтын болды

• Алматы әкімдігі Руслан Берденовті жетекші қызметке тағайындады

"Әрқашан біреу бірдеңе жазады, уақыты бар адамдар болады. Сондықтан мен сіздер айтқандай хейт болғанын мойындай алмаймын. Қауіпсіздік күшейтілді. Арнайы полиция бөлімі күзетіп жатыр, бәрі тиісінше ұйымдастырылды", – деп түйіндеді Сыздықбеков.

Еске салсақ, 21 сәуірде Шымкент әкімдігінің бұрынғы орынбасары Руслан Берденовке әкімдік ғимаратының алдында оқ атылды. 20 тамызда сот шабуыл жасаған Ернар Жиембайды айыпты деп танып, оны орта қауіпсіздік колониясында 9 жылға бас бостандығынан айырды.