Ержет Жарылқасын әлем чемпионатының күміс жүлдегері атанды
Ержет Жарылқасын Албанияның Тирана қаласында өтіп жатқан әлем чемпионатының финалында жеңіліп қалды. Бұл туралы Stan.kz ақпарат агенттігі хабарлайды.
Фото: ҰОК
Ержет Жарылқасын грек-рим күресінен Албаниядағы олимпиадалық емес салмақ дәрежелері бойынша өтіп жатқан әлем чемпионатында күміс жүлдені қанағат тұтты. 63 келіде белдескен отандасымыз финалда Әзірбайжан балуаны Нихат Маммадлиге 6:1 есебімен есе жіберді. Алғашқы айналымында отандасымыз 1 ұпай иеленіп, алға шыққанымен, екінші айналымда қарсыласына 6 ұпай беріп, жеңіліп қалды. Осылайша 25 жылдан бері әлем чемпионатының алтыны бұйырмай жүрген отандық классикалық балуандардың сәтсіздігін Ержет Жарылқасын да бұза алмады.
Айта кетейік, бұған дейін Жәмила Бақбергенованың үшінші рет әлем чемпионатының алтын жүлдесіне таласатыны туралы жазған едік.
Талқылау
"Шетелде билетсіз, қонақүйсіз далада қалдым": Қазақстандықтар авторлық тур сатып аламыз деп 2 млн теңгеге дейін қаражаттарынан қағылған
Олар 300 мың теңгеден 2 миллион теңгеге дейінгі ақшадан қағылды
"Бөлімше болыңыз, біздің команда": Алматыда косметика дүкенінің қате аудармасы жұрттың ашуын туғызды
Оқырмандардың бірі баспахананың да мұндай немқұрайлығына реніш білдірді