Енді бала таппаймын деген: 44 жастағы әйел жиырма екінші баласын босанбақ (видео)
Ұлыбританияда тұратын көпбалалы ана Сью Рэдфорд жиырма екінші перзентіне жүкті екенін айтты. Әйел Youtube-тегі The Radford Family аталатын отбасылық арнасында ролик жариялап, қуанышты жаңалығымен бөлісті, деп жазады Stan.kz.
Сью Рэдфорд пен күйеуі құрсақтағы баланың УДЗ суретін көрсетті. Ерлі-зайыпты өткен жылы ғана ендігі бала таппайтындарын айтқан. Себебі олардың 21 баласы бар. Олардың ең кішісі 2018 жылы дүниеге келген.
Көпбалалы ана қазіргі уақытта жүктіліктің 15-аптасында жүргенін айтты.
«Баламның жынысын білгенше асығып жүрмін. Ол ұл болса екен деп армандаймын», - дейді ол.
Егер Сьюдің 22-нші перзенті ұл болса, отбасында 11 ұл, 11 қыз баласы болмақ.
БАҚ мәліметінше, отбасы мемлекеттен ешқандай жеңілдік алып отырған жоқ. Тек балаларға жәрдемақы беріледі екен. Ерлі-зайыптының отбасылық наубайханасы бар. Онда отағасы мен ересек балалары жұмыс істейді.
Талқылау