Еңбекті бағалау және дәстүрге адалдық: Көкшетауда Халықаралық әйелдер күні атап өтілді

Халықаралық әйелдер күні қарсаңында "Көкшетау" мәдениет сарайының негізгі сахнасы көктемгі мерекенің мекеніне айналды. "Сұлулықтың әуені" атты мерекелік іс-шараға күнделікті еңбегімен, даналығы мен талантымен өңірдің болашағына үлес қосып жүрген Ақмола облысының  үздік әйелдерін жинады.

Мерекені Ақмола облысының әкімі Марат Ахметжанов ашты. Залдағыларға үндеу жасаған облыс басшысы қазіргі қоғамда әйелдің рөлі отбасының шеңберінен әлдеқайда ауқымды екенін атап өтті. Бүгінгі таңда Ақмола облысының әйелдері басшылық қызметтерде, ғылым, бизнес және құқық қорғау салаларында табысты еңбек етіп келеді. Оған қоса мемлекеттің сенімді тірегі болып, ұлттық дәстүрдің шынайы көрінісін көрсетіп отыр.

"Әйелдер өңірдің әлеуметтік-экономикалық жаңаруында белсенді қатысуда. Өткен жыл біздің облыс үшін үлкен жетістіктер жылы болды, әсіресе ауыл шаруашылығы саласында тарихи рекорд орнатылды, 7,6 миллион тоннадан астам дән жиналды. Бұл жетістік әйелдердің қатысуынсыз мүмкін болмас еді. Облыстың ауыл шаруашылығында шамамен 90 мың адам еңбек етеді, олардың 32 мыңнан астамы нәзік жандылар. Бүгінде әйелдер тек егістік пен өндірісте ғана еңбек етпейді, сонымен қатар облыстың ірі агроформаларын сәтті басқарады", – деді Марат Ахметжанов өз сөзінде.

Кештің ерекше сәті – біздің заманымыздың батыр әйелдерін марапаттау рәсімі болды. Білім беру ұйымдарының басшыларына, этномәдени бірлестіктердің өкілдеріне және өңірдің ғылым саласының құрметті қызметкерлеріне мемлекеттік наградалар мен құрмет ордендері табысталды. Олардың кәсіби жетістіктері әйелдердің шығармашылық күшіне ешқандай кедергі жоқ екенін айқын дәлелдеді.

Залда көпбалалы аналарға ерекше құрмет көрсетілді. "Алтын алқа" және "Күміс алқа" медальдарымен үлкен отбасыларды ұйытып отырған аналар марапатталды. Олардың аналық ерлігі іс-шараның ресми бөлігінің басты символына айналып, қатысушыларға мықты отбасы – күшті және біртұтас ұлттың негізі екенін еске салды.

Құқықтық салада, егістік пен өндірісте еңбек ететін, ұлттық өнерді дамытып жүрген әйелдер де марапатқа ие болды. Облыс басшылығы атынан әртүрлі кәсіп иелеріне, арнайы бөлімше инспекторларынан ауылдық еңбекқор әйелдерге дейін алғыс хаттар тапсырылды. Марапатталғандар өз сөздерінде әйелдер бастамаларына көрсетілген қолдау мен әрбір әйелдің еңбегіне деген қызығушылыққа ризашылығын білдірді.

Кештің музыкалық безендірілуі оның жоғары мәртебесіне сай болды. "Астана опера" примасының прологы мерекенің жалпы атмосферасын айқындап, залды жоғары классика рухымен толтырды. Португалиядан келген  арнайы қонақтың сахнаға щығуы ерекеше сәт болды. Шетелдік әнші қазақ халық әндерін шынайы орындауымен көрермендердің жүрегін жаулап алды. Бұл ұлттық мәдениетке терең құрмет пен әйел талантын жалпы мойындауды белгісі болды.

Кеш керемет аяқталды. Мерекелік попурри орындаған курсанттар залға гүл шоқтарын алып шықты. Мерекенің әрбір қатысушысы ерекше мерекелік көңіл күйді сезініп, сыйлық алды.