Елордалық бойжеткенді ұрған сенатор Талғат Мұсабаев жауапкершілікке тартылатын болды ма? Полицейлер жауап берді

Нұр-Сұлтан қалалық ПД өкілдері сенатор Талғат Мұсабаев пен бойжеткен арасындағы жанжал немен аяқталғанын айтты, деп хабарлайды Stan.kz ақпарат агенттігі. 

"Ағымдағы жылдың 24 маусымында 102 каналына Триатлон паркіндегі қақтығыс туралы қоңырау түсті. Оқиға орнына автопатруль жіберілді. Ер адам мен ит иесінің арасындағы жанжал үй жануарларын серуендету салдарынан болғандығы анықталды. Бұл фактіні тексеру барысында полицияға шара қолдану туралы жазбаша өтініштер келіп түскен жоқ", – деп хабарлады полиция өкілдері.

Еске салсақ, бұған дейін елордалық бойжеткен Талғат Мұсабаевті өзіне шабуылдады деп айыптаған еді. Оның сөзінше, сенатор қыздың қолынан ұрып жіберген. 

Десек те, Талғат Мұсабаевтың өзі бойжеткеннің айыптауларының барлығын жоққа шығарды. 

Елорда тұрғыны сенатор Талғат Мұсабаевты аутизмге шалдыққан балаға шабуылдады деп айыптады