Елордалық әйел бір жасар қызын ауруханаға тастап кетті
Астаналық әйел бір жасар қызын жұқпалы аурулар ауруханасына тастап кетті, деп хабарлайды Нұр-Сұлтан қоғамдық денсаулық сақтау басқармасының баспасөз қызметі.
Қыз бала қазір стационарлық ем қабылдауда.
"Қазіргі уақытта қыз бала клиникалық хаттамаға сәйкес барлық емді алады, оны дәрігерлер емдейді, күн сайын 3-4 рет қарайды", – деп атап өтті денсаулық сақтау басқармасы.
Нәрестенің анасы алкоголь пайдаланғаны анықталды. Департаменттің мәліметінше, әйел балаға қарамай кеткен. Бұл факті бойынша сотқа дейінгі тергеу басталды.
"Бүгін аурухана басшылығы қорғаншылық және қамқоршылық органдарын баламен байланысты мәселені шешуге шақырды", – делінген хабарламада.
Сондай-ақ баланың анасы баладан бас тарту туралы арыз жазбағаны айтылады. Әйел жалғыз қызын тәрбиелеп отыр, оның өзге баласы жоқ. Қорғаншылық органдары әйелдің ата -ана құқығын шектеу туралы арызбен сотқа жүгінді.
Баладан бас тартпаған, бірақ қараусыз тастап кеткен. Анасы қызының жағдайын сұрастырып, қызығушылық танытты. Орган өкілдерімен байланысқа шығады. Баланың әрі қарайғы қайда болатыны сот процесі аяқталғаннан кейін белгілі болады. Полиция департаменті бұл жағдай туралы ақпарат жоқ екенін мәлімдеді.
Ата-анасы пневмониядан қайтыс болды: Алматы облысында 4 бала жетім қалды