Еліміздің бірнеше аймағында дауылды ескерту жарияланды

7 сәуірде Қазақстанның алты облысында дауылды ескерту жарияланды, деп хабарлайды Stan.kz ақпарат агенттігі. 

Солтүстік Қазақстан облысының кей жерлерінде тұман, көктайғақ күтіледі. Петропавлда тұман түседі.

Қостанай облысының кей жерлерінде тұман, көктайғақ болжанады. Күндіз оңтүстік-шығыстан жел соғады, күші кей жерлерде 15-20 м/с жетеді.

Ақмола облысында кей жерлерде тұман күтіледі. Көкшетауда түнде және таңертең тұман түседі.

Батыс Қазақстан облысының кей жерлерінде тұман түседі. Батыс, оңтүстік-батыстан кей жерлерде 15-20 м/с жылдамдықпен жел соғады.

Ақтөбе облысында оңтүстіктен, оңтүстік-батыстан жел соғады, кей жерлерінде 15-20 м/с күтіледі.

Атырау облысында кей жерлерде оңтүстік-батыстан жел соғады, күші 15-20 м/с.