Елімізде таңбалау енгізілгеннен бері импорттық аяқ киімге төленетін салық көлемі 38 пайызға өсті

Қаржы министрлігі елімізде цифрлық таңбалау мен қадағалауды енгізу нәтижесінде ресми аяқ киім импорты 30%-ға өскенін мәлімдеді. Ал ҚҚС және кедендік баждар түріндегі импорттық аяқ киім өнімдеріне төленген салық көлемі 38%-ға жеткен.

Естеріңізге сала кетейік, Қазақстанда аяқ киімнің көлеңкелі айналымын азайту мақсатында 2021 жылдың 1 қарашасынан бастап Қазақстанда аяқ киім өнімдерін міндетті түрде таңбалау енгізілген болатын, сарапшылардың бағалауы бойынша бұл көрсеткіш 48%-ға жетеді.

Қазақстанда таңбалау және қадағалау жүйесі өнімнің үш тобына қолданылады: темекі, аяқ киім және 2022 жылдың 1 шілдесінен бастап дәрілік заттарды таңбалау мен қадағалауды кезең-кезеңімен енгізілуде. Міндетті таңбалауға жататын өнім топтары көлеңкелі экономиканың жоғары деңгейі және халықтың денсаулығына жоғары қауіп сияқты критерийлер негізінде таңдалады.