Елімізде осал топтар үшін 11 мыңдай пәтер сатып алынады

Халықтың әлеуметтік осал топтарын тұрғын үйге орналастыру үшін биыл 10 878 пәтер сатып алу туралы шешім қабылданды. Көп балалы және аз қамтылған отбасылар үйді ұзақ мерзімді жалға ала алады. Бұл туралы Stan.kz ақпарат агенттігі хабарлайды. 

Жалға берілетін пәтерлерді сатып алуға 105,2 млрд теңге бөлінді. Тағы 12,1 мың пәтер үшін 158,5 млрд несие жұмсалады.

Ипотекалық мемлекеттік бағдарламаларға жеті мыңға жуық қазақстандық қатыса алады. 

“Биыл тұрғын үй қарыздарын беру үшін 71,9 млрд теңге қарастырылған. Отбасы банк "2-10-20" ипотекалық бағдарламасы бойынша 3176 қарызды және "5-10-20" бағдарламасы бойынша 3610 қарызды іске асыруды жоспарлап отыр, –  деп мәлімдеді ИИДМ баспасөз қызметі.