Елена Рыбакина қатарынан он екінші жеңісіне қол жеткізді
Қазақстандық теннисші Елена Рыбакина Майамидегі WTA 1000 жарысының жартылай финалына өтті деп хабарлайды Stan.kz ақпарат агенттігі.
Отандасымыз ширек финалда италиялық теннисші Мартина Тревизанға қарсы ойнап, 6:3, 6:0 есебімен жеңіп кетті.
Матч 1 сағат 10 минутқа созылды. Ойын кезінде Рыбакина 8 эйс жасады.
Айта кетері, бұған дейін Елена Рыбакина Miami Open жарысының тек үшінші айналымына ғана өткен. Сонымен қатар қатарынан 12-ші жеңісіне қол жеткізіп, өз рекордын жаңартты.
Жартылай финалда Рыбакина Джессика Пегула мен Анастасия Потапова арасындағы бәсекеде жеңіске жеткен теннисшімен ойнайды.
Талқылау