Екінші партияда қазақстандық теннисшінің басымдығы айқын байқалды. Ол допты ойынға “әдемі” қосып, сенімді әрі қатесіз ойнады. Осылайша Швёнтекті ойсырата жеңді. Нәтижесінде Рыбакина Мельбурндегі “мэйджор” турнирінің жартылай финалына жолдама алды.
Australian Open финалына шығу үшін Елена Рыбакина америкалық теннисшілердің бірі – Джессика Пегула немесе Аманда Анисимовамен кездеседі.
Айта кетейік, турнир барысында Рыбакина тұрақты әрі сенімді ойын көрсетіп келеді. Бұған дейін ол словениялық Кайя Юванды (6:4, 6:3), франциялық Варвара Грачёваны (7:5, 6:2), чехиялық Тереза Валентовуды (6:2, 6:3) және бельгиялық Элизе Мертенсті (6:1, 6:3) жеңіп, қарсыластарына бірде-бір сет берген жоқ.
Australian Open 2026 турнирі 18 қаңтар мен 1 ақпан аралығында өтіп жатыр. Жарыстың жалпы жүлде қоры – 74,9 миллион доллар. Турнир жеңімпазы 2 793 365 доллар және рейтингке 2000 ұпай алады.
