Елдегі базарларды сауда орталықтарына айналдыруға тағы бір жарым жыл уақыт беріледі
Сауда және интеграция министрлігі кәсіпкерлерге әмбебап нарықтарды ойын-сауық орталықтарына немесе сауда үйлеріне айналдыруға тағы бір жарым жыл уақыт бермек. Бұл туралы Stan.kz ақпарат агенттігі хабарлайды.
Вице-министр Арман Шаққалиев "Атамекен" Ұлттық Кәсіпкерлер палатасында өткен кеңесте тиісті заң жобасы Мәжілісте қаралып жатқанын айтты. Құжатқа сәйкес, 2025 жылдың 1 қаңтарына дейін уақыт бар.
Қосымша уақытты палатаның өзі сұрады. Көше дүңгіршектері мен сауда контейнерлерінің қазіргі заманғы сауда нысандарына ауысу мерзімі осы жылдың басында аяқталды.
"Ешкім сіздерді бүгін жабамыз деп жатқан жоқ", – деді вице-министр кәсіпкерлерге.
Республикада базарларды жаңғырту бойынша жол картасы жұмыс істейді. Ол саудагерлерді мемлекеттік қолдау шараларын және жаңғырту барысына мониторинг жүргізу жөніндегі іс-шараларды көздейді.
Мақсатым — Олимпиада. Жаңа бапкерлік штаб 1,5 жылда нәтиже береді — Ғұсман Қырғызбаев
Ғұсман Қырғызбаев: Біздің қырғыздарға ешқандай қатысымыз жоқ
Қазақстанда шетелдіктер тұрақты тұру үшін қазақ тілінен тест тапсырады: Бұл талап интеграцияны күшейте ме, әлде көшуге ниеттілерді азайта ма?
Тест онлайн форматта ҚАЗТЕСТ жүйесі арқылы өткізіледі