Экономика министрі доллар бағамына болжам жасады

Ұлттық экономика министрі Әлібек Қуантыров валюта нарығындағы жағдайға түсініктеме берді, деп хабарлайды Stan.kz ақпарат агенттігі. 

Оның пікірінше, доллар әрі қарай арзандайды. Қазір теңгенің нығаю үрдісі байқалып жатыр.

"Доллар бағамын қайта қарастырамыз. Қазір бағам бір долларға 500 теңгеден төмен екенін көріп отырмыз. Тиісінше, жыл бойынша төмен болады. Қазір бағам тұрақталып келеді, ревальвация басталды. Менің ойымша, оң өзгерістер болады", – деді Қуантыров үкімет кулуарында.

Үкімет сонымен қатар мұнай нарығындағы жағдай мен Каспий құбыр желісі консорциумындағы проблеманы да ескереді.

"Бұл техникалық проблема, жөндеу жүріп жатыр, алдағы екі-үш аптада жұмыс толығымен қалпына келуге тиіс. Оның үстіне, уақытша шектеулер, КТК-ның жекелеген техникалық қуаттарының тоқтауы өтеледі. Сонда біз мұнай бағасының жоғары болуы есебінен қосымша пайда табамыз", – деді ол.

Министр мұнай бағасына да болжам жасады.

"Барреліне 60 доллардан жоғары, бірақ 120 доллардан төмен болатыны анық. Болашаққа қорымыз болуы үшін, біз үнемі консервативті көзқараспен қараймыз. Егер баға бюджетте жоспарлағаннан жоғары болса, тиісінше бізге қосымша түсім түседі. Бұл болжамды асыра сілтеп, кейін аз түсім алғаннан әлдеқайда жақсы", –  дейді Қуантыров.