Екібастұзда ер адам ажырасайын деп жатқан әйелінің пәтерін өртеп жіберді
Екібастұз қаласының 44 жастағы тұрғыны таңғы сағат 5-те жұбайының пәтерінің балконын өртеп жіберген, деп хабарлайды Stan.kz ақпарат агенттігі.
Фото: ҚР ІІМ баспасөз қызметі
"24 қыркүйек күні сағат 05.00-де 38 жастағы азаматтың пәтерінің балконында өрт шығып, мүлкі бүлінген. Өртті Төтенше жағдайлар басқармасының қызметкерлері сөндірді", – деп түсіндірді полицияда.
Белгілі болғандай, бұл қылмысқа барған пәтер иесінің 44 жастағы жұбайы болып шыққан. Ерлі-зайыптылар 2020 жылдың желтоқсанынан некеде екен, ал қазір ажырасу үстінде.
Іс бойынша тексеру басталған. Полицияда оның нәтижелері бойынша қолданыстағы заңнама шеңберінде процессуалдық шешім қабылданатыны хабарланды.
Шымкентте әйел өзінің 6 жасар қызын зорламақ болған бұрынғы күйеуін пышақтап тастады
Талқылау