"Ресейге пышақ алып ұшпақ болған": Нұр-Сұлтан әуежайында тәртіпсіздіктерге қатысушылар ұсталды
Нұр-Сұлтан әуежайында Ресейге пышақ, қол кісен алып ұшпақ болған екі қазақстандық ұсталды, деп хабарлайды Stan.kz ақпарат агенттігі.
Бұл туралы ұлттық қауіпсіздік комитеті мәлімдеді.
"16 қаңтарда "Нұр-Сұлтан" шекаралық бақылау басқармасының әскери қызметшілері елорда әуежайының нысандарын күзету және қорғау кезінде мінез-құлық белгілері бойынша Ресей Федерациясына кетуге ниетті Қазақстан Республикасының екі азаматын ұстады. Олардың жүгі мен қол жүгінен суық қарулар: пышақтар, жезден жасалған түйреуіштер мен кісендер табылды", – делінген хабарламада.
Ұсталғандардың ұялы телефондарынан Алматыдағы митингілерге, демонстрациялық акциялар мен қиратуға қатысқанын растайтын бейнежазбалар табылғаны айтылды.
"Ұсталғандар қылмыстық жауапкершілікке тарту үшін желілік полиция бөліміне тапсырылды", – деп толықтырды ҰҚК.
Комитет сондай-ақ Ташкент – Нұр-Сұлтан халықаралық рейсін тіркеу кезінде төлқұжат бақылауында жалған төлқұжатпен "шекараны заңсыз кесіп өту үшін құжаттағы өзінің параметрін әдейі өзгерткен" Тәжікстан азаматы анықталғанын хабарлады.
Тәртіп бұзушы еліне депортацияланады.
"Акушерге, дәрігерге, медбикеге бересің": Қазақстандықтар мемлекеттік перзентханалардың ақша бермесең қарамайтынын айтып, қызу талқылады
