Джеки Чан туралы қызық деректер топтамасы (фото)
7-сәуір күні белгілі актер, режиссер Джеки Чан 63 жасқа толды. Оның көңілді трюктерге құрылған түрлі фильмдері мен үлкен еңбектерін бүкіл әлем біледі. Бүгін Джеки туралы бірқатар деректерді ұсынамыз.
Анасы Джеки Чанға 11 ай жүкті болыпты. Ақырында ол дәрігерге қаралып, кесір тілігін жасау арқылы босанған. Ал сәбидің салмағы 5 келі, 400 грамм болыпты.
Актердің шын есімі – Чан Кон Сан.
Бала өмірге келгеннен кейін ата-анасы оны британиялық акушерге 26 долларға сатпақшы болыпты.
“Онда қазір Ұлыбританияда тұрып, тек ағылшынша сөйлеп, дәрігер болуым мүмкін еді дейді Джеки.
Джеки 7 жасқа толған кезде отбасы Австралияға көшіп келіп, баланы Гонконгтегі мектеп-интернатқа қалдырады. Джеки сол жерде акробатика, актерлік шеберлік, шығыс жекпе-жек, музыка өнерін меңгеріп шыққан. Жаттығу таңғы 5-те басталып, түннің жарымына дейін жалғасқан.
Әрбір қателік дене жарақатына алып келетін. Кейін Джеки: “Мені күн сайын ұратын. Мен өте ашулы болдым” дейді.
Джеки қытай тілінде нашар жазып, нашар оқиды: Ол көбінесе ағылшын тілінде сөйлескен.
Өзіне “Джеки” деген есімді Австралияда құрылыста жұмыс істеп жүрген кезде алған.
Алғашқы киносына сегіз жасында түскен. Ал мектепті тәмамдағанша жеті фильмде ойнап үлгеріпті.
Алайда жас әрі белгісіз актер ақшалай қиындыққа көп кезіккен. Сол себепті “ересектерге арналған киноға да” түсуіне тура келеді.
БАҚ зерттеп отырып, ақыры оның ашық сахналы киноға 1975 жылы түскенін анықтапты. Фильм “All in The Family” деп аталған. Айтпақшы, оның көптеген голливудтік әріптестері де кәсіби жолдарын эротикалық фильмдерден бастаған.
Акробат және каскадер болып жұмыс істеген ол, үлкен киноға Брюс Лидің спарринг-серіктесі ретінде аяқ басқан.
Ол 10 минуттық эпизодты 2900 рет түсірген. “Бұл қозғалыс маған ұнамайынша, мен оны мың мәрте қайталап түсіре беремін” дейді актер.
Ол 80 фильмге актер, 11 фильмге каскадер ретінде түсіп, 15 картинаға режиссерлік, ал
11 фильмге продюсерлік жасаған.
Еске сала кетсек, әйгілі актер қазақстандық әнші Димаш Құдайбергеновтың өнерін ерекше бағалайтынын мойындаған болатын. Танымал актер жас әншіні ерекше қуанышпен қарсы алып, құрмет көрсетеді. Кездесу 6 ақпан күні болған. Кездесу барысында актер тіпті Димашқа өзінің сүйікті биін де үйреткен. Бұл ретте Димаш танымал актерді туған күнімен де құттықтады.
Оқи отырыңыз:
Эфиопия тайпасының ерлері ең семіз деп атану үшін 6 ай сиырдың қанын ішеді (фото)
Қарақалпақстанда тұратын қазақтардың тұрмыс-тіршілігі (фото)