Digital Wave-2025: Алматыда технологиялар мен трендтер талқыланған ірі цифрлық конференция өтті

Алматыда төртінші рет Орталық Азияның ең ірі цифрлық конференцияларының бірі – “Digital Wave-2025” өтті. Шараға алты елден келген 46 спикер қатысып, 500-ден астам қатысушы келді. Конференцияның онлайн-трансляциясы 45 мыңнан астам қаралым жинады.

Күні бойы жарнама мен маркетинг саласының жетекшілері мен мамандар технологиялар қалай маркетинг, бизнесті және тұтынушылардың мінез-құлқын өзгертетіні туралы пікір алмасты. Олар жаңа зерттеулер, нақты тәжірибелер мен аналитикамен бөлісті.

Көпшілік асыға күтетін сәттердің бірі – “Digital Jedi-2025” сыйлығын табыстау рәсімі болды. "Жылдың үздік цифрлық маманы" атағын Admixer Media компаниясының директоры Алексей Радиванович иеленді. Ол салаға қосқан үлесі, жаңашыл әдістері мен тамаша нәтижелері үшін марапатталды.

Конференция тек болашақ туралы сөйлесетін орын емес, сонымен бірге оны бірге қалыптастыратын алаңға айналды.

Қазақстандағы цифрлық бағыттағы шындық

Конференцияда қызықты әрі пайдалы деректер мен зерттеулер таныстырылды. Орталық Азия жарнама ассоциациясының (ЦАРА) Digital Community әзірлеген цифрлық жарнама нарығының шолуы бойынша, Қазақстан қазір цифрлық медиа көлемі бойынша сенімді түрде 1 орынға ие болып, 53%-ға жетті. Ең қарқынды өсіп келе жатқан бағыт – қысқа бейнелер: Reels, TikTok, Shorts.

Маңызды деректер:

• 73% пайдаланушылар интернетте күніне үш сағаттан астам уақыт өткізеді;
• Интернет қолданушысының орташа жасы – 29 жас;
• Қазақ тіліндегі пайдаланушылар контентті туған тілінде қарағанды жөн көреді.

Сонымен қатар, Қазақстандағы мобильді қосымшалардың қолданылуы бойынша бірегей аналитика алғаш рет K Research Central Asia компаниясы (аймақтағы KANTAR-дың ресми серіктесі) тарапынан ұсынылды.

Жасанды интеллект – қауіп емес, серіктес болады

“Digital Wave 2025” конференциясының ең көп күтілген бөлімдерінің бірі жарнама индустриясында жасанды интеллекттің (ЖИ) қолданылуына арналды. Спикерлер медиа жоспарлау, креатив және жарнама іздеу бағытын бүгінгі таңда өзгертіп жатқан нақты кейстер, құралдар мен тәсілдерді таныстырды.

Іс-шарада Forte Premier жобасының бірегей мысалы туралы егжей-тегжейлі айтылды. Бұл жоба жасанды интеллекттің жарнама саласында қалай көмектесіп, ойын ережелерін өзгертіп жатқанын айқын көрсетті. Осы компанияға арналған бейнеролик (сұраныстан бастап) небәрі екі жарым аптада дайындалды.

Конференция қатысушыларының айтуынша, маркетологтардың 67%-ы жасанды интеллектті (ЖИ) қазірдің өзінде қолданып жүр. ЖИ брендтерге жарнаманы автоматтандыруға, мақсатты аудиторияны дәл таңдауға және креатив жасауға көмектеседі.

Сондай-ақ, жасанды интеллект жарнама саласын жоймайды. Керісінше оны күнделікті қайталанатын міндеттерден босатады деген ой айтылды. Ең бастысы – жаңа жағдайда жұмыс істеуді үйрену: кең ойлау, тез үйрену және машиналар істей алмайтын жерде пайдалы бола білу. Жарнама индустриясы енді тек орындаушы емес, дәл "Үлкен төрттік" секілді маркетинг пен жарнамаға бағытталған стратегиялық кеңесші рөліне көшеді. 

ZimaBlue агенттігі Digital Wave-2025 үшін арнайы дайындаған эксклюзивті зерттеу нәтижелерін ұсынды. Мұнда тұтынушылар жарнама мен маркетингте жасанды интеллектті қалай қабылдайтыны алғаш рет ауқымды түрде зерттелген.

Зерттеу нәтижелері ЖИ-дің күнделікті өмірге еніп кеткенін көрсетті. Дегенмен, оған деген сенім біркелкі емес және біртіндеп қалыптасып жатыр.

Маркетплейстер = жаңа жарнамалық платформалар

Digital Wave аясында сарапшылар Қазақстандағы маркетплейстердің толыққанды жарнамалық платформаларға айналып жатқанын атап өтті. Енді брендтер тек тауар орналастырып қана қоймай, тұтынушының таңдауына әсер ететін стратегиялар құрып, аналитиканы пайдалану арқылы өсуге ұмтылуда.

Telegram Қазақстанның жарнама нарығына шығады

Іс-шара барысында маңызды жаңалық та айтылды. Telegram Қазақстан нарығына бағытталған жарнама кабинеттерін іске қосуға дайындалып жатыр. Бұл жергілікті бизнес үшін жаңа мүмкіндіктер ашып, бәсекесі төмен, CPM бағасы қолжетімді және аудиториямен дәл байланыс орнатуға жол ашатын жарнама құралы пайда болмақ.

Жарнама кабинеттері іске қосылған соң, брендтерге толыққанды функционал қолжетімді болады. Арналар, боттар, іздеу нәтижелері мен қызығушылықтар бойынша таргетинг, телефон нөмірлері арқылы ретаргетинг, пиксель мен сыртқы сілтемелерді қолдауға мүмкіндік болады. Жарнаманы қазақ және орыс тілдерінде орналастыру ұсынылады. Ал модерация процесі Telegram тарапынан тікелей қолдау арқасында жылдам өтетін болады.

Инфлюенсерлерге сенім бар — кеңесіне еретіндер көп

Инфлюенс-маркетинг қазір тек блогермен келісіп, жарнама жасатудан әлдеқайда кең ұғымға ие. Бұл сенімге негізделген, технологиямен күшейтілген, нәтижесі нақты бағыт. Digital Wave барысында сарапшылар инфлюенсерлердің цифрлық экожүйенің толыққанды бөлігіне айналғанын атап өтті.

Жұмыс орнындағы Red Flags: Gen Z vs Gen Y

Конференция аясында ерекше әрі ашық "Ұрпақтар тартысы: Gen Z мен Gen Y өкілдерінің көзімен жұмыс орнындағы Red Flags" пікірталасы өтті. Екі буын өкілдері жұмыс барысында олар үшін не нәрсе қолайсыз екенін, жұмыс ортасын қалай әртүрлі қабылдайтынын ашық талқылады.

Digital Wave-2025 конференциясы Қазақстандағы цифрлық маркетингтің қарқынды дамып, жаңа сапалық деңгейге көтерілгенін көрсетті. Жасанды интеллект, қысқа видеолар, маркетплейстер, әлеуметтік желілер мен инфлюенсерлер тиімділік пен дараланған қатынасқа ұмтылатын брендтер үшін басты құралдарға айналуда. Саланың болашағы – сату ғана емес, тұтынушымен сенімді байланыс орнатуға көмектесетін икемді стратегиялар, нақты деректер мен заманауи технологияларда.