Депутат Құрылыс кодексін әзірлеу кезінде бөгде ұйымдарды тарту үшін нақты шығынсыз бюджеттен 291 миллион теңге жұмсалғанын айтты. Қанат Шарлапаев ведомствоның Қаржы министрлігінің қорытындысына наразылық білдіргенін жеткізді.

"Қаржы министрлігінің қорытындысы бар. Біз оған қарсылығымызды білдірдік. Қазір соңғы сот процесі жүріп жатыр. Депутаттардың өз пікірін айтуға құқығы бар. Алайда олар тексермей-ақ айтып жатыр. Бірақ бізде жоғарғы аудиторлық палатаның 2024 жылдың 26 шілдесінде жүргізген тексеруінің нәтижесі бар. Ол жерде құрметті Бақытжан Базарбек мырза қызметтік тергеу аяқталмай жатып айтқан заңбұзушылықтар көрсетілмеген”, – деді министр.

Шарлапаев тергеу әлі жалғасып жатқанын айтты. Сондықтан оның нәтижелері туралы айтуға әлі ерте екенін жеткізді.

"Менде екі есеп бар. Оның біреуінен ештеңе таппадым. Ресми түрде тергеу әлі аяқталған жоқ. Себебі мемлекеттік орган бұл шешімге шағымдануға құқылы, ал біз оған шағымдандық. Сондықтан Базарбектің әлі аяқталмаған тергеу нәтижелеріне қалай шағымданғанына қатысты түсініктеме бере алмаймын", – деді ол.

Айта кетейік, бұған дейін Мәжілісмен Бақытжан Базарбек құны 382 миллионнан асатын жаңа Құрылыс кодексіне шағымын білдірген еді. Алайда шенеуніктер басқа да бірқатар маңызды заң жобаларын бір теңгесіз дайындап үлгерген. Кейіннен өнеркәсіп және құрылыс министрі Қанат Шарлапаев құрылыс кодексін дайындауға бөлінген 382,5 млн теңге нақты қайда жұмсалғанын айта алмаған еді.

Талқылау