Депутаттар Ақтөбе әуежайы тым арзан сатылатынын айтып дауласты
Депутаттар Ақтөбе әуежайы тым арзан сатылып жатқанын айтып, наразылықтарын білдірді, деп хабарлайды Stan.kz ақпарат агенттігі.
Ақтөбе әуежайының сатылуы мәжілісте қызу талқыланды. Депутаттар, аукцион фактісінің өзі емес, объектінің бағаланған құнына шүйліккен. Олар халықаралық әуежай өте арзанға сатылып кеткенін айтқан.
“Неліктен әуежай 7 жарым миллиард теңгеге бағаланды? Бағалауды "Independent Expert Assessment" ЖШС жүргізді. Ол жасалған жұмыс үшін небәрі 130 мың теңге алған. Фирманың кеңсесі Алматыда. Олар Ақтөбеге барып, әуежайға баға беру үшін қызметтері үшін алған қаражаттан әлдеқайда көп шығын шығатын еді”, – дейді ҚР парламенті мәжілісінің депутаты Андрей Линник.
Депутат мүліктік кешенді бағалаудың дұрыстығын тексеруді талап етті. Ол стратегиялық объектінің нақты бағасы лотта көрсетілгеннен әлдеқайда жоғары деп санайды. Мәжілісменнің айтуынша, екі жыл бұрын ірі инвестор Ақтөбе әуе айлағы үшін үш есе көп қаржы төлеуге дайын болған. Бірақ мәміле, Андрей Линниктің айтуынша, қандай да бір себептермен орындалмады.
- Арыс пен Жамбылдағы жарылыстан үрейленіп қалған Ақтөбе облысының тұрғындары жарылғыш заттардың қоймасын көшіруді талап етті
- Ақшаны қателесіп басқа біреуге аударып жіберген жағдайда қалай қайтарып алуға болады
Ақтөбелік шенеуніктер бұл фактіні жоққа шығарады. Жалпы алғанда, олар объектіні ағымдағы бағалауда қате ештеңе көрмейді. Бұл шығын жеткілікті түрде анықталды деп есептеледі. Ал аудиторлар тендер арқылы іріктелді дейді олар. Әуежай екі рет бағаланды және екі рет шамамен бірдей көрсеткіш бойынша келісілді.
“Біз мұндай сұрақтар, келіспеушіліктер болмас үшін екінші рет бағалауға тапсырыс бердік. Оны әуежай өзі тапсырды. Бұл сома шамамен бірдей болып шыққан – ол 6,9 -дан 7 млрд теңгеге дейін өзгерді”, – дейді Ақтөбе облысы қаржы басқармасының басшысы Нұрлыбек Өнербаев.