"Дайын емес": Депутат еліміздегі төтенше жағдайларға арналған ескерту дабыл жүйесінің жұмысына шағымданды
Сенатор Андрей Лукин Қазақстанда төтенше жағдайлар кезінде жедел хабарлау мен дабыл жүйелерінің дайын емес екенін алға тартты. Айтуынша, ведомстволар арасындағы бірлестіктің болмауы мен қаражатты тиімсіз пайдалану азаматтардың өміріне қауіп төндіреді. Бұл туралы Stan.kz ақпарат агенттігі хабарлайды.
Фото: iStock
Ол өзінің депутаттық сауалында әсіресе табиғи апаттар қаупі жоғары аймақтарда ескерту жүйесінің үнемі дайын болуы керек екенін айтқан.
"Дегенмен, біз бұл жұмысты бақылаудың әлсірегенін ал төтенше жағдайлардың алдын алу тәсілі ресми түрде көрсетілгенін біліп отырмыз. Бұл дереу біздің араласуымызды қажет етеді", — деді Лукин.
Сенатор әкімдік пен Төтенше жағдайлар департаментінің бір-бірімен өзара жұмысты нашар жасайтынын алға тартты. Айтуынша, бұл елеулі іркілістерге әкеледі.
"Түркістан облысында 2022 жылы ТЖ алдын алу және жою жөніндегі комиссия бір ғана отырыс өткізген. Көптеген жоспарланған іс-шаралар тіптен орындалмаған. Бұл жалғыз жағдай емес. Басқа өңірлерде де осындай мәселелер бар.
Бюджет қаражатын тиімсіз жұмсау да жағдайды нашарлатады. Біз қаражатты мақсатсыз пайдалану мысалдарын көріп отырмыз. Ескерту жүйесін жаңартудың орнына ақша тиімсіз жұмсалуда. Нәтижесінде халық қорғаусыз қалады ", - деп атап өтті ол.
Депутат жағдайды түзету үшін бірнеше шараларды ұсынды:
- бүкіл ел бойынша ескерту жүйелеріне аудит жүргізу, әлсіз тұстарын анықтау және оларды жою;
- хабарлау жүйелерін басқаруды олардың тиімділігін арттыру үшін ТЖ департаменттерінің қарамағына беру;
- нақты уақыт режимінде ескерту жүйесінің жұмысын бақылауға мүмкіндік беретін бірыңғай цифрлық платформа құру;
- заң бұзушылықтарды болдырмау және ашықтықты қамтамасыз ету үшін қолданыстағы келісімшарттар мен қаржылық мәмілелерді қайта қарау.
"Егер қазір әрекет етілмесе, оның салдары ауыр болуы мүмкін. Сенімді ескерту жүйесі – бұл жай ғана формальдылық емес, азаматтарды қорғаудың нақты механизмі. Оның жұмысы ұсақ-түйекке дейін реттелуі керек", - деп атап өтті Лукин.