Дау кезінде өз-өзін ұстай алмаған: Алматы облысында ер адам ата-анасын пышақтады
Алматы облысында ер адам ата-анасын пышақтады, деп хабарлайды Stan.kz ақпарат агенттігі.
фото: pixabay
Әке-шешесімен сөзге келіп қалған кісі қамауға алынды. Ер адамның анасы дүниеден озып кетті, дәрігерлер әкесінің өмірін сақтап қалу үшін тырысып жатыр.
"Қылмыс үйде жасалған. Ер кісі дау кезінде өз-өзін ұстай алмай ата-анасын пышақтаған. Әйел алынған жарақаттардың кесірінен оқиға орнында қаза тапты. Дәрігерлер әке өмірі үшін күресіп жатыр. Қылмыс жасаған адам ұсталды. Сотқа дейінгі тергеу жұмыстары жүргізілуде", — ІІМ ресми өкілі Нұрділдә Ораз.
Жалпы алғанда елімізде кеше 734 қылмыстық құқық бұзушылық тіркелді. Олардың ішінен 444-і анықталды. Төрт кісі өлімі, алты зорлық, есірткіге қатысты 32 құқық бұзушылық, денсаулыққа ауыр жарақат әкелген сегіз жағдай, 18 ұрлық болды.
Талқылау