Cтоматолог-ортодонт Татьяна Яворовская алдыңғы тістердің алдыңғы және артқы жағын тазалау жеткілікті дейді. Ал азу тістердің бетін мұқият тазалау керек.

“Ауыз қуысына түскен тамақты азу тістердің көмегімен шайнайтындықтан оның қуыс-қуысында тамақ қалдықтары қалып қоюы әбден мүмкін. Ал ұсақ тамақ қалдықтары кариестің пайда болуына әкеліп соғады”, – дейді дәрігер.

Тісті тарап, яғни жоғарыдан төмен қарай тазалу арқылы тіс арасында тұрып қалған тамақ қалдықтарынан арыласыз. Ал қалдықтар қалып қойған жағдайда бір-біріне тиіп тұрған тістерде кариес дамып, басқа тістерді де зақымдайды. Мұндайда тіс тазалауға арналған жіптерді пайлануға болады.

Үй жағдайында тістер мен қызыл иекке, сондай-ақ бүкіл ауыз қуысына кешенді күтім жасайтын ирригатор қолданғаныңыз жөн. Ирригатор сұйықтықты бар қысыммен жіберіп, оның көмегімен эмаль мен жұмсақ тіндерге зақым келтірместен тістердің бүйір қабырғалары түбірін тазалайды.

Тісті дұрыс тазалаңыз:

Үстіңгі тістерді жоғарыдан төменге қарай тазалау керек;
Астыңғы тістерді төменнен жоғарыға қарай тазалау керек;
Азу тістердің беткі жағын тістің шеткі жағынан бастап ортасына қарай ысырып жуған дұрыс. Себебі щетканы алға-артқа қозғалту арқылы өңезді (налет) тазалаудың орнына, басқа тістерге жағасыз.

Ауыз қуысын тазалау барысында тілді де ұмытпаңыз. Өйткені тілдің беткі қабаты кедір-бұдыр болғандықтан онда өңез жиналып қалады. Сілекей тілдің беткі қабатындағы өңезді барынша тазалауға көмектеседі. Дегенмен тіс щеткасындай мұқият тазалай алмайды.

Талқылау