COVID-19-ға қарсы күресте еңбек етіп жүрген дәрігерлер суреті елорда билбордтарында пайда болды

Нұр-Сұлтанда билбордтарда коронавируспен күресетін дәрігерлердің суреттері пайда болды, деп хабарлайды Stan.kz  ақпарат агенттігі әкімдіктің ресми сайтына сілтеп. 

Акция бастамашылары дәрігерлерге қиын еңбегі үшін, қаскөй және көрінбейтін жаумен күресте адам өмірін аман алып қалғандары үшін осылай алғыс білдіруді шешкен.

Қаланың орталық көшелерінде барлығы 40-тан астам дәрігердің суретін көруге болады. Олар - Тұрсын Райда, Дәурен Молдажанов, Марина Макиенко, Ғайса Нұрғалиев, Жазира Нубин және басқалары.