"Көктердің" бас бапкері Энцо Мареска матч алдындағы баспасөз мәслихатында команда құрамындағы топтың тәжірибелі ойыншылардан тұратынын растады. Футболшылар өздерінің әлеуметтік желідегі оқырмандарына Алматыға аман-есен жеткендерін хабарлады.

Құрамды жұлдызды деп атау қиын. Клубтың негізгі ойыншыларының көбі Лондонда қалған. Алматыға келген "Челси" ойыншылары арасынан танымал футболшылар ретінде Филип Йоргенсен, Аксель Дисаси, Тосин Адарабийо, Ренато Вейга, Кёрнан Дьюсбери-Холл және Педру Нетуды атап өтуге болады. Жазда 60 миллион еуроға сатып алынған португалиялық Педру Нету Алматыға келген "Челси" құрамының басты жұлдызы саналады. Екінші жұлдыз, француз ойыншысы Дисаси, ол матчта капитан да болып қалуы мүмкін.

Бүгін негізгі құрамда "Челси" академиясының тәрбиеленушілері Ричард Олис, Кайден Уилсон және Ато Ампа дебют жасайды. Ал Киано Дайер мен Шим Муэка бұған дейін Конференция лигасындағы матчтардың қосалқы құрамында болған, ал Харрисон Мюррей-Кэмпбелл өткен маусымда Англия Кубогының матчтарында қосалқы құрамда отырған еді.

Төменде 12 желтоқсан күні Алматыда алаңға шығатын "Челси" ойыншыларының толық тізімі берілген.

Қақпашылар: Филип Йоргенсен, Лукас Бергстром, Макс Меррик.
Қорғаушылар: Аксель Дисаси, Тосин Адарабийо, Ренато Вейга, Джош Ачимпонг, Харрисон Мюррей-Кэмпбелл, Ричард Олис, Кайден Уилсон.
Жартылай қорғаушылар: Карни Чуквуэмека, Кёрнан Дьюсбери-Холл, Киано Дайер, Сэм Рак-Сакьи, Харви Вейл.
Шабуылшылар: Педру Нету, Ато Ампа, Тирик Джордж, Марк Гиу, Шумайра Мхеука.

"Бюджеттен басқа қаржыландыру көзі жоқ": СҚО әкімі "Қызылжар" клубына бөлінген 2 миллиард теңгенің қайда жұмсалатынын айтты

Қазақша лекция оқи алмасам да "қалайсың" деп сұрай аламын – Черчесов

Еске салайық, бұған дейін "Астана" футбол клубы УЕФА Конференция лигасы аясындағы кезекті матчын өткізіп, соңғы минутта жеңістен айырылып қалды. Елордалық "Астана" командасы УЕФА Конференция лигасы аясында төртінші ойынын өткізіп, қолда тұрған жеңістен айырылып қалды. Өз алаңында португалиялық "Витория" командасымен кездесіп, тең тарқасты. Алматының Орталық стадионында өткен матч 1:1 есебімен аяқталды. Алаң иелері сапынан Бранимир Калаица 40-минутта гол салса, 89-минутта "Витория" ойыншысы Хесус Рамирес мергендік танытып, есепті теңестірді. Осылайша "Астана" клубы қолда тұрған жеңістен соңғы минуттарда айырылып қалды.

Талқылау