Чад президенті сайлауда жеңіп шығып, сол күні қаза болды

Чад президенті Идрис Деби мемлекет басшысына сайлауда алтыншы рет жеңіске жетіп, сол күні қаза болды, деп хабарлайды Stan.kz ақпарат агенттігі.

Идрис Деби 68 жаста еді. Бұл оның президенттік сайлаудағы алтыншы жеңісі болды. Билікті иеленгеніне 30 жылдан астам уақыт болған.

Сайлау 11 сәуірде өтті, саясаткер сайлаушылардың 79 пайызынан астамын жинап, келесі мерзімге қайта сайланды.

Сайлау күні содырлар Ливиядағы базалардан Чадқа шабуыл жасай бастады (ол солтүстіктен шектеседі). Осыған байланысты АҚШ Мемлекеттік департаменті көп ұзамай Чадтағы елшіліктен дипломаттардың отбасы мүшелерін шақырғанын хабарлады.

19 сәуірде ел армиясы 300-ден астам содырдың өлгені туралы хабарлады.

Президент жеңісті алдыңғы шепте атап өтуге шешім қабылдап,  елдің солтүстігіндегі соғыс аймағына барған. Алайда көтерілісшілер үкімет әскерлеріне шабуылдап, Деби жараланды. Президент ауруханада көз жұмды.

Ел басшысы қаз болғаннан кейін Чадта өтпелі әскери кеңес құрылды, оны генерал-лейтенант Махамат Идрис Деби басқарды - марқұм президенттің ұлы. Өтпелі кеңес жаңа президент сайлауын өткізу туралы шешім қабылдады. Елде өтпелі кезең бір жарым жылға созылады.

Сондай-ақ, бүгін республиканың барлық шекарасын жабу туралы шешім қабылданды.

Айта кетейік, Чад - Африкадағы жиһадшыларға қарсы күрестің негізгі қатысушыларының бірі.

Талқылау
Пікір
Қазір оқып жатыр
Çàãðóçêà...
Қазір оқып жатыр