"Бұл жолы салдарынан құтылу мүмкін емес": Жерге қуатты магнит дауылы жақындап келеді
Күн жүйесінде болған тағы бір жарылыстан кейін Жерге қуатты магнит дауылы жақындап келеді. Ресей Ғылым академиясының Күн астрономиясы зертханасы қазақстандықтар оның салдарын 11 және 12 қазан күндері сезінуі мүмкін екенін мәлімдеді. Бұл туралы Stan.kz ақпарат агенттігі Хras.ru порталына сілтеме жасап хабарлайды.
Фото: pixabay.com
Плазманың үлкен бөлінуі 9 қазан күні таңертең тіркелген. Бұл бөліну тура Күн мен Жердің аралығындағы сызық бойымен болған. Ғалымдардың пікірінше, бұл алдағы уақытта одан да үлкен жарылыстың хабаршысы болуы мүмкін.
Ерекше сәт – жарылыстың болған жері. Жарылыс Күннің солтүстік бөлігінде, шамамен 10 күн бұрын пайда болған үлкен дақта болды. Бұған дейінгі жарылыс рекордтық деуге келмейді. Алайда бастамасы қиын. Ғалымдардың айтуынша, бұл жолы оның салдарынан құтылу мүмкін емес.
Айта кетейік, магнит дауылдары жер серіктері мен Жердің навигациялық жүйелеріне ғана қауіп төндіріп қоймай, адамның денсаулығына да кері әсерін тигізуі ықтимал. Олардың денсаулыққа әсерін азайту үшін ғалымдар мына кеңестерді берді:
- физикалық жүктемелерді азайту;
- кемінде 8 сағат ұйықтау;
- таза ауада серуендеу;
- бөлмелерді желдету;
- тыныс алу гимнастикасымен айналысу;
- майлы және ауыр тағамдарды алып тастау;
Еске салайық, бұған дейін Күндегі жарылыс салдарынан Қазақстанда алдағы екі күн бойы магнит дауылы болатынын жаздық. Дәрігерлер бұл құбылыстың созылмалы аурулары бар науқастарға қатты әсер ететінін айтады. Медицина қызметкерлері екі күн бойы созылмалы аурулары бар науқастарға жұмыстан шаршамай, демалуға кеңес береді.