Министр карантиндік шектеулер жайлы: Бұл ұзаққа созылмайды деп ойлаймын

Еңбек және халықты әлеуметтік қорғау министрі Біржан Нұрымбетов карантиндік демалыстар және осы күндері табысынан айырылатын бизнесті қолдау шаралары туралы айтты,  деп хабарлайды Stan.kz ақпарат агенттігі. 

"Төтенше жағдай кезінде 42 500 теңге төлем қарастырылды, ол 11 мамырда аяқталды. Қазір демалыс күндері карантинге жабылады, бірақ менің ойымша, бұл тұрақты емес. Санитарлық-эпидемиологиялық ахуал күрделі, азаматтар санитарлық талаптарды жеткілікті орындамайды (...) Сондықтан азаматтарға зиян келтірмеу үшін демалыс күндері қатаң карантиндік жағдайлар енгізілуде. Осылайша, жұмыс күндері олар ақша табуға мүмкіндік алады, ал демалыс күндері карантин күшейтіледі.

Екінші жағынан, әрине, бизнеске қандай да бір өтемақы төлеу керек.  Үкімет бизнесті және жұмыс істейтін адамдарды қолдау үшін пандемиямен байланысты кез келген сценарийге дайын", - деді министр ОКҚ-да өткен баспасөз мәслихатында.

Ол осы бағытта бірқатар шаралар қабылданғанын еске салып өтті, мысалы, қазан айына дейін түрлі салықтарды төлеуден босату.

"Мемлекеттік комиссияның отырысында бизнесті қолдаудың, оның қалыпты жұмыс істеуі, жұмыспен қамту, халықтың табысын қамтамасыз етудің 43 жүйелі шаралары қаралды. Оның ішінде айналым қаражатына, инвестициялық мақсаттарға шағын және орта бизнесті жеңілдікпен несиелеу бар. Бұл ретте үкіметтің экономикалық блогы өте белсенді жұмыс істейді", - деді Біржан Нұрымбетов.

Еске салайық, елордада демалыс күндері қатаң карантин шаралары енгізілетіні хабарланған.