"Бұл күлкілі емес": Молдағұлова мен Мәметова туралы "әзіл" көрініс қазақстандықтардың ашуын туғызды (видео)
Фото: Видеодан скрин
Әлеуметтік желілерде Jaidarman Show бағдарламасында “әзілге” негізделген көріністен кейін үлкен дау туды. Бұл туралы Stan.kz ақпарат агенттігі хабарлайды.
Желіде тараған видеода өлім аузында жатқан Әлия Молдағұлова мен оның қолын ұстап отырған Мәншүк Мәметова бейнеленген. Көптеген қазақстандықтар бұл қойылымды Ұлы Отан соғысының қос батырының рухына жасалған құрметсіздік деп қабылдады.
Фото: Видеодан скрин
“Сәтсіз әзіл”
Адвокат Мейірман Шекеев бұл роликті сынға алып, оны “арзан күлкі” деп атады. Ол мұндай мазмұндағы көріністің телеарнада көрсетіліп жатқанына таңданысын білдірді. Сондай-ақ үлкендерден бұл көріністі көрсетуге неліктен қарсы шықпағанын сұрады.
Көше атауларын қазақшалауға қарсы шығып, боғауыз сөздер айтқан Рудный тұрғынына айыппұл салынды
“Бұның бәрі ұлттық идеологияның жоқтығынан. Ұрпағымыздың өсі көрінісінен кейін соғыста жеңдік деп қалай айта аламыз. Бізде осы бұқаралық ақпарат құралдарын қадағалайтын органдар аспанға қарап отырғандай әсер қалдырады. Сондықтан да азаматтар өз білгенін істеп, қоғамда жауапкершіліксіз әрекеттер көбейіп жатыр. Ұрпағымыздың санасын улап, болашағымызды бұлыңғыр етіп жатыр”, – деді адвокат.
Сондай-ақ ол осылай жалғаса берсе, болашақта ұрпағымызды да, тіпті жеріміздің тұтастығын да қауіпке тігеріміз анық дейді.
Әлия Молдағұлова көшесі айналасындағы дау
Мейірман Шекеев бұған дейін Рудный қаласында Әлия Молдағұлова атындағы көшені қайта атау мәселесінің де дау тудырғанын жеткізді.
Еске салайық, сол кезде жергілікті тұрғын Екатерина Корчагина әлеуметтік желілерде ерекше белсенділік танытқан еді. Ол қалалардың атын ауыстыру медицина мен инфрақұрылым мәселелерін шешпейтінін айтқан еді. Сондай-ақ Рудный қаласы "кеңестік кезеңнің арқасында салынған" деп мәлімдеген. Бұл сөздер қоғамда екіұшты пікір туғызған еді.
"30 минутқа созылады, тез келемін деген еді": Астанада көзіне лазерлі ота жасатуға барған жалғызбасты ана қаза тапты
