Қазақстанда қаңғыбас мысықтар мен иттерді қылқырндырып, өртеп, бәрінің көз алдында өлтірілген жағдайлар аз емес. Таразда да сол көрініс. Иесі бары да, үйсіз жануарлар да атып не улап өлтіреді. Қатыгездік әрекеттері түсірілген кадрлар үнемі әлеуметтік желілерге жарияланады.

Мүмкін, бұл қараусыз жануарларды қырып-жоюдың жалғыз жолы шығар, бірақ белгілі болғандай, оларды ұстауға арналған пана бар.

Тараздағы осындай панаға арна тілшілерін кіргізбесе де, шамамен 7 ит бар екенін ресми түрде хабарланды. Бірақ қалада күн сайын 200-ге жуық жануар атылады.

Вероника Ананенко құрған панасында ондаған иттерді асырап отыр. Оған жанашыр тұрғындар көмектеседі. Өңірде мұндай бірнеше пана бар, тек ресми мемлекеттік мекеме емес.

"Қазір бізде 70-ке жуық жануар бар шығар. 5, 10, 15 болған. Күн сайын біз көбейіп жатырмыз. Бір жерде соғып кеткен, атып тастаған, бір жерде ұрған, бір жерде жай тоңып қалған, бәрін жазады. Егер, мысалы, біздің аулау қызметі ережелер бойынша, бізбен жұмыс істейтін болса, көшеде мұнша жануарлар болмас еді", - деді пана басшысы Вероника Ананьенко.

Жанна Папина 10 жылдан бері үйсіз жануарларды қорғауға тырысып келеді. Жануарлар қорғаушысы әлеуметтік желілер арқылы заңсыз ату әрекеттері туралы тіпті Президентке жүгінген. Ал белсенділермен бірге құқық қорғау органдарына бірнеше рет арыз берген.

"Ветеринария бөлімінің әрекеті заңға қайшы келеді, өйткені аулау болмағандықтан, жануарлар сол жерде өлтіріледі, бұл да бұзушылық. Біз бұл әрекетке көндіге алмаймыз. Бүгінгі таңда Тараз қаласының жұртшылығы, волонтерлер сотқа беруге ниетті. Қазір біз ветеринария дирекциясына сотқа дейінгі үндеу дайындап жатырмыз", - деді Жанна Папина.

Таразда иттерді заңсыз атылатынын адвокаттар да растайды.

"Қазақстан Республикасының Қылмыстық кодексінде жануарларға қатыгездікпен қарау бабы бар. 5 жылға дейін бас бостандығынан айыру немесе бас бостандығын шектеу бар, түзету жұмыстары, Санкциялар жақсы, айыппұлдар жақсы. Бірақ бүгінгі күні бұл бап өте аз қолданылады. Бұл былықты тоқтату үшін, ең алдымен, мемлекеттік органдар осыған назар аударуы керек. Себебі бұған олардың тікелей қатысы бар. Аулаудың әдістерінің атын жамылып, неге екені белгісіз, өлтіреді. Олар осы жануарларды тамақтандыру үшін, анықтау үшін гранттар алады", - деді Жамбыл облыстық адвокаттар алқасының адвокаты Елена Ушакова.

Бұл ретте биыл өңірде иттерді аулауға 37 миллион теңгеден астам қаражат бөлінді. Жануарларды қорғаушылар бұл соманың жұмсауға, оларды өлтірудің орнына, стерилизация жасауға болатынын айтады.

Ал ветеринария қызметінде мамандармен нұсқаулық өткізетінін айтып сендірді.

"Олардың атуға құқығы жоқ. Егер фактілер болса, құқық қорғау органдарына хабарлау қажет, бізде ондай өкілеттіктер жоқ, бізде қадағалау бақылау функциясы жоқ. Жақында біреуіне оқ атқаны үшін айыппұл салынды. Бұл адами фактор, бәрінің артынан жүре бермейсіз. Біз адамгершілікпен аулаңдар дейміз. Тексеру жүргізген кезде оларда барлық құрылғылар болды", - деді ветеринария басқармасының бөлім басшысы Талғат Қожабергенов.

Облыста қаңғыбас жануарларға арналған арнайы паналар салу жоспарланбаған. Сондықтан оларды белсенділердің қорғауына тура келеді.

Талқылау