Бразилияның бір қаласында су тасқыны болып, 100-ге жуық адам қаза тапты
Рио-де-Жанейроның солтүстігіндегі таулы аймақтағы тарихи Петрополис қаласында нөсер жаңбыр, су тасқыны мен көшкін салдарынан 94 адам қаза тапты, деп хабарлады Stan.kz ақпарат агенттігі.
Бір айлық жауын үш сағатта жауған. Тау баурайындағы үйлер құлап, үйіндінің астында қалды. Көшелерді толық су басқан. Тіпті көліктер де ағып кеткен.
Ұлттық азаматтық қорғаныс қызметі твиттерде осы уақытқа дейін 24 адам тірі табылғанын, 94 адам қайтыс болғанын хабарлады. Тағы 35 адам із-түзсіз жоғалғандар тізімінде.
Петрополис - Рио-де-Жанейроның танымал туристік орыны. 19 ғасырда бұл Бразилия императорларының жазғы резиденциясы болған. Оны Императорлар қаласы деп те атайды.
Ең көп зардап шеккен аудандардың бірінде 80-ге жуық үй көшкіннің астында қалды. 300-ден астам адам үйлерін тастап кетуге мәжбүр болды.
Талқылау
"Күйеуімді қазақша Дарын деп атайды": Ағылшын азаматына тұрмысқа шыққан қазақ қызы оқиғасын бөлісті
Даррен Чандлер: "Қазақ тілін әйелімнің тілі болғандықтан жақсы көремін"
“Келін қылып алатын қыз”: Желіде қазақша ән айтқан португалиялық ару қазақстандықтарды тәнті етті
Лара: "Қазақтар өте-өте талантты халық”