"Бомба болуы мүмкін": Бейруттағы жарылыс кезінде қара объекті ұшып бара жатқан видео пайда болды

Бейруттағы жарылыс кезінде белгісіз қара объекті ұшып келе жатқаны көрінетін видео пайда болды. Онда қара объекті жерге түскен соң қатты жарылыс болғанын көруге болады. Осы орайда бұл жарылыс арнайы ұйымдастырылған теракт болуы мүмкін деген де пікірлер айтылды. Ал Ливан премьер-министрі жарылыстың себебін аммиак селитрасының дұрыс сақталмауынан екенін мәлімдеді, деп хабарлайды Stan.kz ақпарат агенттігі.

Сондай ақ Ливан премьер-министрі Хассан Дияб 70-тен астам адам қайтыс болған Бейрут портындағы жарылыстың себебін түсіндірді. 

Оның айтуынша, жарылыстың себебі алты жыл бойы 2750 тонна аммиак селитрасының дұрыс сақталмауынан.

"Мен осы жарылысқа себеп болғандарға ең ауыр жаза қолданып, оларды тапқанға дейін тынышталмаймын, өйткені салмағы 2750 тонна аммиак селитрасы 6 жыл бойы қоймада тұрмауы тиіс еді, бұл азаматтардың қауіпсіздігіне қауіп төндіреді", - деді премьер-министр.

Сонымен бірге, Дияб оқиғаны тергеу үшін комиссия құруды ұсынды, ол 48 сағат ішінде оқиғаның себебін анықтап, жауаптыларды анықтауы керек.

БАҚ-тың мәліметінше, аммиак селитрасының жарылуы зиянкестердің ұрлық жасауы мүмкін тесіктерді бітеу бойынша дәнекерлеу жұмыстарын жүргізу кезінде болған.

Еске салайық, Ливанның астанасында ірі жарылыс болды, Қазақстанның консулы Бағлан Спабек Бейруттағы теңіз портындағы жарылыс кезінде жарақат алды.

Талқылау
Пікір
Қазір оқып жатыр
Çàãðóçêà...
Қазір оқып жатыр